Benki ya Dunia kwa kushirikiana na Wizara ya Kilimo ya Afghanistan imefanya mradi wa uboreshaji wa mfereji uliokuwa unategemewa na zaidi ya kaya 170 ambazo zilikuwa hazipati maji ya kutosha kwa ajili ya kilimo na hivyo kuvuna mazao hafifu, na sasa wananchi wa kijiji cha Pazhak wanafurahia matunda ya mradi huo na maisha yameboreka zaidi
Ripoti mpya iliyotolewa leo na ofisi ya Umoja wa Mataifa inayohusika na madawa na uhalifu UNODC imeonya kwamba idadi ya watu wanaotumia mihadarati duniani inaongezeka na kwamba mwaka jana 2020 pekee duniani kote takriban watu milioni 275 walitumia mihadarati, hilo likiwa ni ongezeko la asilimia 22 tangu mwaka 2010.
Mashambulizi ya mara kwa mara katika Ukanda wa Gaza, Palestina yamesababisha mama wa watoto watatu wa kiume kuwaza na kuwazua kuhusu mustakabli wa watoto hao ambao kila uchao ndoto zao zinakumbwa na sintofahamu.
Mkurugenzi mtendaji wa shirika la mpango wa chakula duniani WFP, David Beasley, ameiomba dunia kutoipa kisogo Madagascar ambako maelfu ya watu wanakabiliwa na njaa kali na badala yake kujitoa na kuchukua hatua haraka baada ya kushuhudia mgogoro mkubwa usioonekana wa njaa unaoendelea Kusini mwa nchi hiyo na kuathiri jamii nzima.
Kamishna Mkuu wa shirika la Umoja wa Mataifa la kuhudumia wakimbizi, UNHCR, Filippo Grandi amehitimisha ziara yake ya wiki moja ya kutembelea nchi zilizoko Amerika ya Kusini na kuzishukuru nchi hizo kwa kazi kubwa ya kuhifadhi wakimbizi ambapo takwimu zinaonesha wamehifadhi zaidi ya robo ya wakimbizi wote duniani.
Katibu Mkuu wa Umoja wa Mataifa ameiasa dunia kutowasahau wajane hasa wakati huu wa janga la corona au COVID-19 ambapo wanaume wengi wanaendelea kupoteza maisha na kuwaacha wake zao wakihaha na familia.
Katika kufanikisha lengo la Muungano wa Afrika, AU kuhakikisha asilimia 60 ya wakazi wa bara lake wamepatiwa chanjo dhidi ya ugonjwa wa Corona au COVID-19 ifikapo mwaka 2022, Benki ya Dunia na AU wametangaza ubia wa kuunga mkono mpango wa kikosi kazi cha Afrika cha kupata chanjo hizo, AVATT utakaoruhusu nchi za Afrika kununua na kusambaza dozi za chanjo kwa ajli ya watu milioni 400 barani kote.
“Ukiweka viwango utadumu kwa muda mrefu” ni moja ya kauli zilizowahi kutolewa na Edward Mortimer aliyekuwa mwandishi mkuu wa hotuba za Katibu Mkuu wa zamani wa Umoja wa Mataifa Kofi Annan.
Mkimbizi wa ndani Abbas Adu na wengine 400,000 wamelishukuru Shirika la Umoja wa Mataifa la Mpango wa chakula WFP kuwapatia msaada wa chakula wakati huu ambapo WFP imepaza sauti kwa wahisani kusaidia wananchi Milioni 41 wanaokabiliwa na njaa kutokana na hali mbaya ya hewa ambayo imeathiri mavuno yao na hivyo kukosa chakula.
Kutana na mfanyakazi wa kujitolea wa Umoja wa Mataifa nchini Sudan Kusini Jason William Gbambi ambaye anafanyakazi kama afisa uhamasishaji wa timu ya maadili na nidhamu ya mpango wa Umoja wa Mataifa nchini humo UNMISS. Anasema kufanyakazi ya kujitolea ni kukumbatia jamii na kutambua mahitaji yao na hasa amani ambayo ni adumu nchini humo. Flora Nducha na taarifa zaidi
