Leo ni siku ya kimataifa ya kukumbuka waathiriwa na manusura wa vitendo vya kigaidi ambapo Katibu Mkuu wa Umoja wa Mataifa, Antonio Guterres katika ujumbe wake amesema janga la COVID-19 linakwamisha harakati za kusaidia manusura wa ugaidi.
Mtaalam wa haki za binadamu wa Umoja wa Mataifa kwa ajili ya Mali leo amesema waliofanya mapinduzi nchini humo ni lazima wamwachilie Rais Ibrahim Boubacar Keita, waheshimu haki za binadamu na kurejesha utawala wa sheria.
Nchini Tanzania, mpiga picha maarufu, Imani Nsamila, kwa kushirikiana na shirika la Ladies Joint Forum na Kikoi innovative media, wamewapa mafunzo ya upigaji picha wasichana 28 ikiwa ni moja ya harakati za kuchangiakuyafikia malengo ya Umoja wa Mataifa ya maendeleo endelevu, SDGs, kama vile lengo namba 5 linalolenga ulimwengu kuwa na usawa wa kijinsia kufikia mwaka 2030.
Mashirika ya Umoja wa Mataifa la afya WHO na la kuhudumia watoto UNICEF yamesema hatua ya shule kufungwa kwa muda mrefu kwa lengo la kuwalinda wanafunzi na virus vya corona au COVID-19 inawaumiza wanafunzi hao kwa njia nyingine na wamezitaka serikali barani Afrika kuchaguza ufuanguaji salama wa shule huku zikichukua hatua kudhibiti maambukizi ya virusi hivyo.
Umoja wa Mataifa kupitia mashirika yake na wadau, wameendelea kutoa misaada kwa waathirika wa mlipuko uliotokea Agosti 4 katika mji mkuu wa Lebanon Beirut. Takribani walinda amani 100, wanajeshi na raia, wamejitolea kuchangia damu kwani bado uhitaji ni mkubwa.
Nzige vamizi wa jangwani wakiendelea kuharibu mazao kwenye kaunti ya Turkana nchini Kenya, shirika la chakula na kilimo la Umoja wa Mataifa, FAO linaendelea na kampeni kubwa ili kupunguza tatizo la ukosefu wa chakula na njia za kujipatia kipato nchini Kenya.
Juhudi zinazoongozwa na Umoja wa Mataifa za kushughulikia ukiukwaji mkubwa wa haki za binadamu nchini Libya leo zimepigwa keki na uteuzi wa wachunguzi huru watatu kwenda kuorodhesha ukiukwaji wa haki za binadamu unaofanyika kwenye taifa hilo la Afrika lililoghubikwa na vita.
Nchini Uganda, baada ya janga la ugonjwa wa virusi vya Corona, COVID-19 kukwamisha harakati za vijana ikiwemo wanamuziki kuendesha shughuli zao, kijana mmoja mwanamuziki ameamua kurejea katika kazi yake ya useremali ili aweze kutunza familia yake.
Ofisi ya Umoja wa Mataifa ya kuratibu misaada ya kibindamu na masula ya dharura OCHA, imeeleza kuwa janga la virusi vya corona vinavyosababisha ugonjwa wa COVID-19 limeongeza machungu katika changamoto ambazo wamekuwa wakikabiliana nazo watoa huduma za kibinadamu kote duniani
Wahudumu wa kibinadamu ni wanawake na wanaume mashujaa ambao hufikisha msaada wa kuokoa maisha kama malazi, huduma muhimu za afya, chakula, maji na huduma za usafi kwa watu wasiojiweza na walio hatarini, hivyo wanastahili kuheshimiwa na kupongezwa.
