Habari Mpya

Hivi karibuni tulikueleza namna ambavyo nzige wavamizi wa jangwani wanavyotishia ustawi wa wakulima wa Kenya hususani  katika  eneo la Turkana, lakini kwa mujibu wa shirika la chakula na kilimo la Umoja wa mataifa FAO, nzige hao hawaishii tu katika kilimo bali pia wanatishia jamii ya wafugaji kwani wanakula hadi nyasi na miti ambayo ingekuwa chakula cha kifugo.

Kutana na mtaalam wa huduma za kijamii za watoto nchini Cambodia Tim Sreyoun ambaye anasema licha ya janga la corona au COVID-19 ni wajibu wake kuhakikisha watoto wanahudumiwa na kulindwa dhidi ya ukatili kwani ni zahma aliyoipitia maishani mwake.

Katika ujumbe wake wa siku ya kimataifa ya kuwaenzi waathirika wa ukatili kwa misingi ya dini na imani, ambayo kila mwaka huadhimishwa Agosti 22, Katibu Mkuu wa Umoja wa Mataifa Antonio Guterres ameonya kuhusu ongezeko la ubaguzi wa rangi tangu kuzuka kwa janga la corona au COVID-19 kote duniani. 

Wataalam wa haki za binadamu wa Umoja wa Mataifa wamezitaka serikali kuongeza juhudi ili kuwasaidia waathirika wa ukatili unaotokana na misingi ya kidini na Imani.

Mpango wa Umoja wa Mataifa nchini Iraq UNAMI umelaani vikali mauaji ya wanaharakati wawili wa haki za binadamu na mashambulizi yaw engine wawili kwenye mji wa Basra Kusini mwa nchini hiyo na kutoa wito wa kuongeza juhudi za kuwafikisha wahusika kwenye mkono wa sheria. 

“Umoja wa Mataifa una fursa nyingi ambazo ikiwa vijana tutakuwa na moyo wa kujitolea na bidii ya kazi, tunaweza kunufaika nazo,” hayo ni maoni ya Hilda Phoya, mwanafunzi ambaye hivi karibuni amehitimisha mafunzo kwa vitendo katika Kituo cha habari za Umoja wa Mataifa UNIC Dar es Salaam Tanzania. 

Kamishina mkuu wa shirika la Umoja wa Mataifa la kuhudumia wakimbizi UNHCR, Filippo Grandi amewatembelea wakimbizi ambao ni waathirika wa mlipuko wa wiki iliyopita mjini Beirut nchini Lebanon kuwapa pole na kuwahakikishia kwamba Umoja wa Mataifa utaendelea kushikamana nao kwa hali na mali.

Wahamiaji 118 kutoka Ghana waliokuwa wamekwama nchini Libya na kushindwa kurejea nyumbani kutokana na janga la ugonjwa wa virusi vya Corona au COVID-19, wamerejea nyumbani kupitia mpango wa kurejea nyumbani kwa hiari. 

Shirika la Umoja wa Mataifa la kuhudumia wakimbizi, UNHCR, linatoa wito wa hatua mpya zaidi na usaidizi kwa warohingywa kutoka Myanmar ambao hadi sasa hawana utaifa na ni wakimbizi ndani ya nchi yao au nje ya nchi yao.

Idadi ya wagonjwa wa Ebola kwenye jimbo la Equateur nchini Jamhuri ya Kidemokrasia ya Congo, DRC imefikia 100, ikiwa ni ongezeko maradufu katika kipindi cha wiki 5.