Ikiwa leo ni siku ya televisheni duniani, shirika la mawasiliano la Umoja wa Mataifa, ITU limesema chombo hicho cha mawasiliano kitaendelea kuwa na umuhimu mkubwa katika kuongeza uelewa wa masuala ya mambo miongoni mwa binadamu.
Kauli ya Umoja wa Mataifa ya kuhakikisha kuwa vijana wanajengewa uwezo ili washiriki kikamilifu katika kufanikisha maendeleo endelevu, SDGs imeendelea kutekelezwa maeneo mbambali ambapo nchini Tanzania vijana takriban 50 kutoka wilaya ya Temeke jijini Dar es salaam, wamepokea mafunzo kwa ajili ya kuimarisha stadi zao za ujasiriamali.
Ofisi ya Umoja wa Mataifa ya huduma za kutegua mabomu ya kutengwa ardhini UNMAS, mpango wa Umoja wa Mataifa nchini Sudan kusini UNMISS na serikali ya Japani wamesema hawatopumzika hadi pale mabomu yote ya kutengwa ardhini nchini sudan kusini yatakapoteguliwa.
Mustakabali si wa kwetu bali ni wa watoto wetu kwa hiyo tuchukue hatua zaidi kulinda ndoto za watoto, amesema David Beckham, Balozi mwema wa shirika la Umoja wa Mataifa la kuhudumia watoto, UNICEF, wakati akihutubia hii leo kikao cha ngazi ya juu cha Baraza Kuu la Umoja wa Mataifa jijini New York, Marekani kilichofanyika kuadhimisha miaka 30 tangu kupitishwa kwa mkataba wa haki za mtoto, CRC na sambamba na siku ya mtoto duniani,
Mataifa kadhaa hii leo Jumatano mjini Geneva Uswisi yameuuthibitishia ulimwengu ahadi yao ya kuboresha ulinzi wa haki za watoto wakati wa changamoto zinazotisha ikiwa ni pamoja na ubaguzi, vurugu, unyonyaji na umasikini.
Katibu Mkuu wa Umoja wa Mataifa Antonio Guterres ametoa wito kwa bara la Afrika kuhakikisha maendeleo yao yanakuwa safi na yanayojali mazingira.
Baraza la Usalama la Umoja wa Mataifa leo Jumatano limekutana kujadili suala la Mashariki ya Kati ambapo mratibu maalum wa Umoja wa Mataifa kwa ajili ya mchakato wa amani ya Mashariki ya Kati Nickolay Mladenov ameonya kwamba kikao hicho kinafanyika baada ya kushuhudiwa ongezeko la machafuko kati ya Israeli na kundi la Kipalestina la Islamic Jihad huko Gaza.
Katika kuadhimisha siku hii ya kimataifa ya mtoto, inayokwenda sambamba na maadhimisho ya miaka 30 tangu kupitishwa kwa mkataba wa kimataifa wa mtoto, CRC ambao Tanzania imeridhia na hata kutunga sheria ya mtoto, Idhaa ya Kiswahili ya Umoja wa Mataifa kupitia radio washirika wake imekusanya maoni ya watoto wakiulizwa iwapo wanafahamu haki zao?
Pamoja na kukabiliwa na ubaguzi na unyanyasaji wa kingono, wanawake nchini Jamhuri ya Afrika ya kati, CAR, wamechukua hatua ya kuwapatia matumaini wenzao wanaorejea katika makazi yao walimofurushwa kutoka na mapigano katika jamii zao.
Leo ni siku ya mtoto duniani ambapo Umoja wa Mataifa umetaka hatua zichukuliwe kila pahali ulimwenguni ili kila mtoto popote pale alipo aweze kupata haki zake za msingi za kuishi, kuendelezwa, kushiriki na kulindwa.
