Wakati mkutano wa kimataifa wa uchangishaji fedha kwa ajili ya Yemen ukifanyika leo mjini Geneva Uswis na kuwaleta pamoja wadau mbalimbali wa kimataifa na mashirika wahisani, shirika la Umoja wa Mataifa la mpango wa chakula duniani WFP, limesema linahitaji haraka dola milioni 570 ili kususuru maisha ya mamilioni ya wanaohitaji msaada wa chakula.
Mjumbe maalum wa Katibu Mkuu wa Umoja wa Mataifa kwa nchi za Maziwa Makuu Said Djinnit amesema licha ya mafanikio yaliyopatikana katika utekelezaji wa mkataba wa amani, usalama na ushirikiano, PSC kwa ajili ya Jahmhuri ya Kidemokrasia ya Congo, DRC na eneo hilo la Maziwa Makuu, bado kuna changamoto za kuweza kuufanikisha kwa kina.
Baraza la haki za binadamu limeanza kikao chake cha 40 hii leo mjini Geneva Uswis kikijadili juhudi za kitaifa na kimataifa katika kuchagiza na kulinda haki za binadamu.
Katibu Mkuu wa Umoja wa Mataifa Antonio Guterres amelaani vikali mauaji ya walinda amani watatu wa umoja huo nchini Mali.
Zaidi ya watu 3,800 waliuawa mwaka jana nchini Afghanistani kutokana na mashambulio idadi ambayo ni ongezeko kwa asilimia 11 ikiliniganishwa na mwaka uliotangulia wa 2017.
Umoja wa Mataifa umeelezea masikitiko yake makubwa kufuatia ghasia zinazoendelea kwenye mpaka wa Venezuela na mataifa ya Brazil na Colombia na ndani ya Venezuela kwenyewe ambapo sasa zimeripotiwa kusababisha vifo na majeruhi miongoni mwa raia.
Katibu Mkuu wa Umoja wa Mataifa António Guterres leo amekuwa na mazungumzo na Waziri wa Mambo ya Nje wa Venezuela, Jorge Arreaza, ambapo amesisitiza tena kuwa hatua zozote ambazo chombo hicho kitachukua kusaidia wahitaji nchini Venezuela zitazingatia kanuni na misingi ya kibinadamu, kutoegemea upande wowote na mamlaka za taifa hilo na kushirikiana na taasisi za taifa hilo.
Ofisi ya haki za binadamu ya Umoja wa Mataifa, OHCHR ina wasiwasi kuhusu taarifa kutoka Misri isemayo watu 15 wamenyongwa mwezi huu wa Februari ambapo watu tisa maisha yao yalikatiliwa isiku ya Jumatano wiki hii huku wengine sita walikabiliwa na hukumu ya kifo mapema mwezi huu.
Ripoti ya kwanza kabisa kuhusu hali ya baiyonuwai duniani ambayo husaidia kwenye uzalishaji wa chakula imeonyesha kupungua kwa kiasi kikubwa kwa kiwango cha bayonuai.
Katika wiki tatu zilizopita hakujaripotiwa visa vipya vya Ebola nchini Jamhuri ya Kidemokrasia ya Congo , DRC, ambayo ni habari Njema kwa mujibu wa shirika la afya ulimwenguni WHO. Hata hivyo shirika hilo limeonya kwamba ugonjwa huo bado ni hatari na unaendelea kwa mwenendo wa wastani.
