Takriban watu 850 wamezuiliwa nchini Venezuela wakati huu kunaposhuhudiwa maandamano dhidi ya serikail ambapo makabiliano na vikosi vya usalama yamesababisha vifo kwa watu 40 kwa mujibu wa Ofisi ya Umoja wa Mataifa ya haki za binadamu, OHCHR.
Shirika la Umoja wa Mataifa la elimu, sayansi na utamaduni UNESCO, leo limezindua mwaka wa kimataifa wa jedwali la elementi kwa kiingereza Periodic Table katika makao yake makuu mjini Paris Ufaransa, ukiwa ni mwanzo wa mfululizo wa matukio na shughuli mbalimbali zitakazofanyika kwa mwaka mzima, wakati dunia ikiadhimisha miaka 150 tangu kuundwa kwa jedwali hilo na mwanasaynsi wa Urusi Dimtri Mendeleev.
Zaidi ya makaburi 50 ya pamoja nay a mtu mmoja mmoja yamebainika kwenye eneo la Yumbi, jimbo la Mai-Ndombe nchini Jamhuri ya Kidemokrasia ya Congo, DRC kufuatia mauaji yaliyoripotiwa kwenye eneo hilo katikati ya mwezi uliopita wa Disemba.
Shirika la mpango wa chakula duniani, WFP na shirikisho la soka duniani, FIFA wamekubaliana kutumia mpango wa mpira shuleni unaondesha na FIFA na ule wa mlo shuleni unaondeshwa na WFP, kuimarisha stadi za wanafunzi kama njia mojawapo ya kujenga jamii imara, endelevu na zenye ustawi.
Mamilioni ya raia wanaendelea kuteseka na hali ngumu Kaskazini Mashariki mwa Nigeria na eneo zima la Bonde la ziwa Chad ambako machafuko ya karibuni yamesababisha maelfu mengine ya watu kufungasha virago na kuongeza madhila katika hali ya kibinadamu ambayo tayari ilikuwa mbaya.
Mamilioni ya watoto wanaoishi katika nchi zilizoathiriwa na mizozo na majanga wanakosa huduma muhimu za ulinzi na hiyvo kuweka usalama na mustakabali wao hatarini, limeonya shirika la Umoja wa Mataifa la kuhudmia watoto, UNICEF huku likisema linahitaji ombi la dola bilioni 3.9 ili kusaidia katika shughuli zake kwenye majanga ya kibinadamu.
Katibu Mkuu wa Umoja wa Mataifa Antonio Guterres akihutubia kumbukizi ya kuwaenzi waliopoteza maisha na manusura wa mauaji ya halaiki dhidi ya wayahudi yaliyotokea wakati wa Vita Vikuu vya pili vya dunia ameyaita mauaji hayo kuwa ni ya kikatili na ya kutisha kupindukia.
Wakati vuta nikuvute ikiendelea nchini Venezuela kati ya Rais Nicolas Maduros na Juan Guaidó aliyejitangaza kuwa rais wa nchi hiyo, msemaji wa Umoja wa Mataifa Stephane Dujarric amesema kuwa Katibu Mkuu hana mamlaka ya kueleza kukubali au kukataa nchi mwanachama au kiongozi wake.
Hatua za kipekee za kuchagiza na kuendeleza maeneo ya vijijini barani Afrika zinahitajika ili kuhakikisha mustakabali bora wa vijana wa bara hilo ambao pindi wanapopatiwa fursa wanaweza kuwa vichocheo vya maendeleo.
Mashirika ya Umoja wa Mataifa, lile la kuhudumia wakimbizi, UNHCR na lile la uhamiaji IOM hii leo wametoa taarifa ya pamoja mjini Geneva Uswisi wakizitaka nchi za Amerika ya kusini kukemea kwa pamoja mashambulizi na lugha ya chuki dhidi ya wavenezuela wanaosaka hifadhi katika nchi jirani na nchi yao.
