Shirika la uhamiaji la Umoja wa Mataifa, IOM, limesema idadi ya wahamiaji na wakimbizi walioingia Ulaya kwa njia ya bahari kuanzia Januari mosi hadi tarehe 28 mwezi huu wa Oktoba ni 97,857 ikionyesha kuwa imepungua ikilinganishwa na 147,170 katika kipindi kama hicho mwaka jana.
Kamishina Mkuu wa Umoja wa Mataifa wa haki za binadamu Michelle Bachelet leo amesisitiza tena kwamba mauaji ya mwandishi wa habari wa Saudi Arabia Jamal Khashoggi ni lazima yafanyiwe uchunguzi huru na wa kutoingiliwa, ili kuhakikisha tathimini ya kina na uwajibikaji kwa ukiukwaji wa haki za binadamu uliotekelezwa katika uhalifu huo wa kutisha.
Takribani watoto 80,000 waliorejea hivi karibuni nchini Jamhuri ya Kidemokrasia ya Congo kutoka Angola hivi sasa wanahitaji haraka msaada wa kibinadamu limesema shirika la Umoja wa Mataifa la kuhudumia watoto UNICEF.
Hii leo kwenye makao makuu ya Umoja wa Mataifa wajumbe wa Baraza la Usalama kwa kauli moja wamepitisha azimio ambalo pamoja na kuchagiza harakati za kukabiliana na ugonjwa wa Ebola nchini Jamhuri ya Kidemokrasia ya Congo, DRC , limelaani vikali mashambulizi na mauaji ya watoa huduma za afya ambao wanaweka rehani maisha yao kutokomeza ugonjwa huo hatari.
Kazi ya kuhakiki wakimbizi na wasaka hifadhi nchini Uganda kwa kutumia alama za vidole na macho imekamilika kwa kubaini wakimbizi hewa 300,000 na pia kugundua kuwepo kwa wakimbizi waliotoka kambi ya Kakuma nchini Kenya. Assumpta Massoi na taarifa kamili.
Mkutano wa kwanza wa kimataifa kuhusu uchafuzi wa hewa na afya umeanza leo huko Geneva, Uswisi ambapo Mkurugenzi Mkuu wa shirika la afya ulimwenguni Dkt. Tedros Ghebreyesus ametumia hotuba ya ufunguzi kuweka bayana takwimu za vifo na madhila yatokanayo na uvutaji wa hewa chafuzi.
Shirika la uhamiaji la Umoja wa Mataifa, IOM limezindua kipindi cha Radio nchini na Nigeria kiitwacho Abroad Mata kwa lengo la kuelimisha umma kuhusu madhara ya uhamiaji holela na fursa za kuhama kwa kufuata kanuni.
Kuishi katika nchi tajiri siyo kigezo cha usawa wa upatikanaji wa elimu bora, hiyo ni kwa mujibu wa ripoti ya UNICEF iliyotolewa leo mjini Florence Italia na New York Marekani, ikiwa imeangazia ukosefu wa usawa katika elimu kwenye nchi tajiri.
Watoto wakicheza na kuimba katika uwanja huo jumuishi wa michezo unaotumiwa na watoto wakimbizi wenye ulemavu na wasio na ulemavu kama sehemu ya juhudi za kitaifa nchini Jordan za kufanya elimu inakuwa jumuishi kwa kila mtu.
Rais wa mahakama ya kimataifa ya uhalifu, ICC Jaji Chile Eboe-Osuji amesema ushirikiano wa kimataifa ndio nguzo pekee ya kuendeleza kazi za mahakama hiyo iliyoanzishwa miaka 20 iliyopita.
