Mahakama maalum kwa ajili ya Sierra Leone inayoungwa mkono na UM, SCSL imewahukumu wiki hii viongozi wawili wa zamani wa kundi wanamgambo lililokua linaungwa mkono na serekali, kwa ajili ya uhalifu wa vita ulotenda wakati wa vita virefu vya wenyewe kwa wenyewe miaka ya 1990.
Baraza la Usalama kwa sauti moja liliidhinisha siku ya jumanne azimio la kupelekwa kikosi cha pamoja cha walinda amani wa UM na Jumuia ya Afrika, AU katika jimbo la Darfur huko Sudan.
Umoja wa Mataifa na washirika wake wa kimataifa wanaotafuta amani huko Somalia, wanampango wa kuimarisha mawasiliano yao na baraza la kitaifa la upatanishi katika juhudi za kuleta utulivukatika taifa hilo lililokumbwa na ghasia kwa miaka 16 sasa.
. Ratiba ya baraza la usalama kwa mwezi huu wa Augusti kwa mara nyingine tena itazingatia masuala ya Afrika, alitangaza rais wa mwezi huu wa baraza hilo. Akizungumza na waandishi habari balozi wa Jamhuri ya Kongo, Pascal Gayama alisema, wajumbe watajadili masuala ya kisiasa kuhusiana na Darfur alhamisi ijayo, pamoja na masuala kuhusiana na Somalia, Sierra Leone na Jamhuri ya Kidemokrasia ya Kongo. ~
