Kituo cha sheria na haki za binadamu nchini Tanzania leo kimetangaza ripoti yake ya awali inayoangazia mwenendo wa haki za kibinadamu kwa nchi hii katika kipindi cha miezi sita iliyopita na kutaja kasoro kadhaa ikiwemo kushamiri kwa matukio ya ubakaji unawandama hasa wanawake na watoto wa shule pamoja na vyombo vya dola kuangukia kwenye lawama ya utumizi mabaya wa madaraka.
(SAUTI YA GEORGE NJOGOPA)
Wataalamu kutoka sehemu mbalimbali barani afrika wameanza mkutano wao wa siku nne jijini dar es salaam nchini Tanzania kujadilia kile kinachoitwa uchumi wa uvuvi wa samaki ambao unaripotiwa kukua kwa kasi lakini ukiandamwa changamoto ya kushamiri kwa uvuvi haramu.
Kutoka DSM, George Njogopa ameandaa taarifa ifutayo inayoangazia mkutano huo ambao pia umejuisha wataalamu kutoka nchi za Ulaya.
(SAUTI YA GEORGE NJOGOPA)
Makundi ya kisiasa barani afrika yameanza mkutano wa siku tatu nchini Tanzania kwa shabaha ya kujadilia nafasi ya vyama vya kisiasa pamoja na mwelekeo mpya wa ufadhili wa mafungu ya fedha.
Wajumbe kwenye mkutano huo ambao umefunguliwa na makamu wa rais Dr Gharib Bilal wanatazamia kumulika nafasi ya vyama vya siasa nanma vinavyoweza kushiriki kwenye ujenzi wa demokrasia na wakati huo huo kuwavutia wapiga kura katika mazingira ya amani na utulivu.
Shirika la kimataifa la uhamiaji IOM na chama cha mwezi mwekundu nchini Chad wanapeleka misaada ya dharura kwenye mji ulio kaskazini mwa nchi wa FayaLargeau ambapo tayari wahamiaji 300 wamewasili kutoka Libya siku mbili zilizopita.
Jumbe Omari Jumbe wa Shiriko hilo anazungumza na Radio ya Umoja wa Mataifa kuhusu suala hilo.
Mtaalam maalum wa Umoja wa Mataifa kuhusu masuala ya ubaguzi wa rangi, chuki za watu wa kigeni na aina zingine za ubaguzi, ametoa wito kwa mataifa kote ulimweguni kuzingatia kwa karibu sana ishara za mwanzo za ubaguzi wa rangi, ambao hatimaye huenda ukakolea na kusababisha mizozo na ukiukaji mbaya zaidi wa haki za binadam.
