Zaidi ya nusu ya watoto wakimbizi milioni 7.1 wa umri wa kwenda shule hawaendi shule, ripoti ya shirika la Umoja wa Mataifa la kuhudumia wakimbizi UNHCR iliyotolewa leo imebainisha. Assumpta Massoi na maelezo zaidi.
Wakati hali ya kisiasa na kiuchumi nchini Venezuela inazidi kuzorota raia zaidi wa Venezuela wanakimbilia mataifa mengine ya Amerika ya Kusini ambapo takriban raia milioni 4 wa Venezuala wameihama nchi yao. Kando na kuwepo hali mbaya ya usalama na ghasia pia kumeshuhudiwa ukosefu wa madawa, chakula na miundo msingi.
Nchini Jamhuri ya Kidemokrasia ya Congo, DRC, mafunzo ya ufundi cherehani yaliyotolewa na walinda amani wanawake kutoka Tanzania kwa wanawake wakazi wa mji wa Beni jimboni Kivu Kaskazini yameanza kuleta matumaini na kudhihirisha jukumu la ulinzi wa amani na uwezeshaji wa jamii nchini humo.
Barani Ulaya ugonjwa wa Surua umesalia kuwa tatizo ambapo takwimu mpya zinaonesha kupungua kwa idadi ya mataifa yaliyokuwa yametokomeza ugonjwa huo.
Mkutano wa 7 wa Tokyo kwa ajili ya maendeleo ya Afrika, TICADVII ukiendelea huko Yokohama nchini Japan, mashirika ya Umoja wa Mataifa na Muungano wa Afrika, AU pamoja na wadau wamezindua mpago wa kuchagiza ajira ya vijana kwenye sekta ya kilimo cha biashara barani humo.
Shirika la Afya Duniani WHO na kitengo cha Umoja wa Mataifa kinachoratibu masuala ya maji, UN-Water wametaka hatua za dharura zaidi za kuwekeza kwenye huduma za maji safi na salama pamoja na mifumo ya huduma za kujisafi. Jason Nyakundi na maelezo zaidi.
(Taarifa ya Jason Nyakundi)
Wito huo unakuja wakati idara za kimataifa za maji zinakutana mjini Stockholm kwenye mkutano wake wa kila mwaka wakati wa wiki ya maji duniani kati ya tarehe 25 na 30 Agosti mwaka 2019.
Akiwa huko Yokohama nchini Japan akihudhuria mkutano wa 7 wa Tokyo kwa ajili ya maendeleo ya Afrika, TICAD VII, Katibu Mkuu wa Umoja wa Mataifa Antonio Guterres amesema analiona bara la Afrika kama bara lililosheheni fursa ambako pepo za matumaini zinavuma kwa kasi kuliko wakati wowote ule. Grace Kaneiya na ripoti kamili.
(Taarifa ya Grace Kaneiya)
Ofisi ya Umoja wa Mataifa inayohusiska na uelimishaji na uteguaji wa mabomu ya ardhini na vifaa vingine vya mlipuko UNMAS imeteketeza rundo la mabomu ya kutegwa ardhini yaliyogundulika kilomita 40 nje ya mji mkuu wa Sudan Kusini, Juba.
Shirika la chakula na kilimo duniani, FAO limesema mataifa ya Afrika yanaweza kunufaika zaidi kutokana na ufahamu na utamaduni wa Japani katika ulaji wa vyakula vyenye afya na lishe, amesema Mkurugenzi Mkuu wa shirika hilo, Qu Dongyu.
