Wahenga walinena msahau kwao mtumwa, na nyumbani ni nyumbani hata iweje. Kauli hiyo si msemo tena bali ni hali halisi kwa maelfu ya wakimbizi wa Kisomali walioamua kuchukua hatua ya kurejea nyumbani baada ya kuishi kwa miaka mingi kwenye makambi ya wakimbizi ya Dadaab na Kakuma nchini Kenya. Flora Nducha na taarifa kamili.
Natts……
Ujumbe wa Umoja wa Mataifa nchini Jamhuri ya Kidemokrasia ya Congo, DRC, MONUSCO unaendesha mafunzo ya kujengea uwezo wasimamizi wa uchaguzi pamoja na polisi nchini humo wakati huu wa kuelekea uchaguzi mkuu mwakani.
Mkuu wa kitengo cha polisi, MONUSCO Kamishna Mkuu Awalé Abdounasir, amesema mafunzo hayo yanayofanyika kwenye mji mkuu Kinshasa, yanalenga kuhakikisha polisi wanazingatia sheria na kanuni wakati wa kipindi cha uchaguzi.
Mzozo nchini Sudan Kusini ukiingia mwaka wa nne, zaidi ya dola bilioni 1.7 zahitajika ili kukidhi mahitaji ya kibinadamu kwa nchini humo kwa mwaka 2018.
Mratibu wa Umoja wa Mataifa wa masuala ya kibinadamu nchini humo Alain Noudéhou ametangaza kiwango hicho hii leo kwenye mji mkuu, Juba akisema mpango huo unalenga watu milioni 6 walioathiriwa zaidi na mzozo, kupoteza makazi, njaa na kudorora kwa uchumi.
Ripoti mpya ya Umoja wa Mataifa imebaini ongezeko kubwa la taka za kielektroniki ulimwenguni.
Taka hizo ni pamoja na betri chakavu, plagi za umeme, majokofu, simu za kiganjani na kompyuta ambazo kiwango chake mwaka 2016 kilifikia tani za ujazo milioni 44.7.
Kiwango hicho ni ongezeko kwa asilimia 8 ikilinganishwa na mwaka jana na mwelekeo ni ongezeko zaidi kutokana na sababu mbalimbali ikiwemo kuporomoka kwa bei za vifaa vya kielektroniki na umeme na hivyo kuwa kishawishi kwa watu kununua vifaa vipya na kutupa hovyo vya zamani.
Kuna usemi wa kwamba ukimuelimisha mwanamke umeielimisha jamii na ukielimisha jamii basi utakua umeokoa kizazi cha baadaye. Huu usemi hauna maana ya upendeleo bali ni ukweli kwamba ukimpa mwanamke fursa basi jamii itanufaika zaidi. Hii inatokana na mapenzi, malezi, na moyo wa ujasiri aliojaliwa mwanamke.
Viongozi wa dunia leo wamekusanyika mjini Paris Ufaransa wakijaribu kusaka fedha zaidi ili kuusukuma uchumi wa dunia kuwa unaojali mazingira ikiwa ni miaka miwli kamili tangu kutiwa saini kwa mkataba wa kimataifa wa mabadiliko ya tambia nchi kuepuka zahma kubwa zaidi ya ongezeko la joto duniani.
Ripoti ya Umoja wa Mataifa iliyochapishwa leo inasema madhila dhidi ya raia katika mzozo wa kivita nchini Ukraine huenda yakaongezeka zaidi, kufuatia kuibika upya kwa mapigano.
Ripoti hiyo inasema mapigano hayo yameathiri watu milioni nne nukta nne kwa sasa, yakisababisha vifo zaidi na uharibifu mpya kwa miundombinu muhimu ya maji inayohifadhi kemikali hatari, kinachotishia uhai wa binadamu na mazingira.
Haya yote yakitokana na ukiukwaji wa mara kadhaa wa mikataba ya kusitisha mapigano.
Shirika la Umoja wa Mataifa la kuhudumia watoto, UNICEF, limesema zaidi ya watoto 400,000 wenye umri wa chini ya miaka mitano huko eneo la Kasai nchini jamhuri ya kidemokrasia la Congo, DRC, wanakabiliwa na utapiamlo uliokithiri .
Serikali ya Bangladeshi kwa msaada wa shirika la Umoja wa Mataifa la kuhudumia watoto UNICEF, shirika la afya duniani WHO na muungano wa chanjo GAVI, leo wamezindua kampeni ya chanjo dhidi ya ugonjwa wa dondakoo na magonjwa mengine yanayozuilika kwa watoto wote wakimbizi wa Rohngya walio na umri wa kati ya wiki sita hadi miaka 6.
Uwekezaji katika kukabiliana na Malaria, ni uwekezaji ambao utasaidia siyo tu kutokomeza umaskini bali pia kuchochea maendeleo kwa ngazi ya jamii na taifa kwa ujumla.
Dkt. Winnie Mpanju Shumbusho, ambaye ni mwenyekiti wa ubia wa kutokomeza Malaria duniani, RBM amesema hayo katika mahojiano maalum na Idhaa hii akisema kuwa..
(Sauti ya Dkt. Winnie Mpanju Shumbusho)
Amesema hata nchi ambazo hivi sasa hazina Malaria zilikuwa na ugonjwa huo lakini zilichukua hatua akitolea mfano Marekani.
