Wasanii kutoka Taasisi ya Muda Africa ya nchini Tanzania, kundi ambalo ni washindi wa ufadhili wa Shirika la Umoja wa Mataifa la Elimu, Sayansi na Utamaduni (UNESCO) wanatoa wito kwa wasichana na wanawake kutoficha vipaji vyao ili waweze kutimiza ndoto zao na jamii iwasaidie kuyatimiza malengo hayo kwani hiyo itasaidia kuondoa pengo la usawa wa kijinsia katika tasnia mbalimbali ambazo kwa muda mrefu zinahodhiwa na wanaume. Wasanii hao wameyasema hayo hivi karibuni katika mazungumzo yao na Anold Kayanda wa Idhaa  ya Kiswahili ya Umoja wa Mataifa walipopata walipopata nafasi ya kutumbuiza wakati wa Mkutano wa nchi zenye maendeleo duni uliofanyika mwanzoni mwa mwezi huu wa Machi mjini Doha Qatar.