Umoja wa Mataifa kupitia malengo ya maendeleo endelevu SDGs yakijulikana pia kama ajenda 2030, unaendelea  kupigia  chepuo masuala kadhaa muhimu ikiwemo haki za vijana wa kike ili nao wapatiwe fursa sawa kama ilivyo kwa watoto wa kiume. 

Utekelezaji wa hoja hiyo umefika hadi mashinani ukijumuisha mashirika ya kiraia yanayounga mkono kazi za Umoja wa Mataifa. Katika makala ya leo basi Patrick Newman amezungumza na Sofia Donald ambaye ni mratibu wa shirika la Sauti ya Wanawake Ukerewe, nchini Tanzania ambalo limejikita na huduma ya kuwawezesha vijana wa kike vijijini. Katika mazungumzo yao wameangazia fursa na changamoto wanazokumbana nazo katika huduma zao. Kwa kina basi ungana naye katika makala hii.