Miongoni mwa wanufaika hao ni Alphonsine Masika, mjane na mama wa watoto watatu. Mapigano mjini Irumu yalimfurusha na hatimaye mradi wa SOFEPADI umemuinua kiuchumi. Mradi huu umeanza Machi 2021 na utamalizika Februari 2024.

Dieudonné Mugenyi yeye alifurushwa na mapigano akakimbilia eneo la Lambada jimboni Ituri. Baada ya kupatiwa mafunzo na SOFEPADI sasa anasimamia kitalu cha miche ya kabichi. Kila mwaka wanavuna tani 5000 za mazao ya mboga mboga na kumpatia kila mmoja dola 60 kwa mwezi.

Panga mkono wa kushoto, na mkono wa kulia ukipalilia bustani ya kabichi, ni Joseph Lonjiringa aliyekimbia mapigano eneo la Djugu, na kuishia hapa Bunia jimboni Ituri, nchini DRC ambapo mradi wa SOFEPADI umemletea tena matumaini ya kupata kipato na kusongesha maisha yake.

Wanawake hawa wawili walifurushwa makwao huko mjini Djugu na kusaka hifadhi Bunia jimboni Ituri. Mradi wa SOFEPADI umewainua kiuchumi na sasa wanaweza kutunza familia zao.

Uroci Pierre alisaka hifadhi Bunia baada ya waasi wa CODECO kushambulia kijiji chao. Anapalilia shamba la nyanyachungu akiwa na matumaini ya mavuno karibuni na kisha ajipatie fedha. Mradi huu unafadhiliwa na Muungano wa Ulaya (EU) na kutekelezwa na SOFEPADI.

Nyanya chungu tayari kwa mavuno katika shamba la mradi wa Tujenge Amani Leo wa SOFEPADI hapa Bunia, Ituri jnchini DRC. 

Dieudonné Mugenyi akikagua kitalu cha miche ya kabich, kitalu ambacho yeye ni msimamizi wake. Alipatiwa mafunzo na SOFEPADI kupitia mradi wa Tujenge Amani Leo.