Amani inaanza na mimi

Walinda amani wa UN nchini Sudan kutoka Thailand wakifundisha vijana jinsi ya kupanda bustani za kuning'inia.

Vijana kujitegemea ni mojawapo ya mbinu za kujenga amani ili kuwaepusha kutumikishwa vitani. Pichani walinda amani wa UN kutoka Thailand wakifundisha vijana kilimo cha kisasa cha mboga za majani.

UNMISS

Walinda amani wa UN kutoka Thailand wanaohudumua nchini Sudan wamefundisha vijana jinsi ya kilimo cha mboga kwa mtindo huu.

Hatimaye baada ya mafunzo, vijana wameweza kulima mboga kwa mfumo waliofundishwa na walinda amani wa Umoja wa Mataifa kutoka Thailand wanaohudumu nchini Sudan. Bustani za aina hii pamoja na kutumia eneo dogo, zinaepusha usumbufu wa udongo na pia kuepusha utupaji holela wa chupa za plastiki. Na zaidi ya yote vijana wanajipatia sio tu mboga lakini pia wanauza na kupata kipato na hivyo kuepuka kutumikishwa vitani.

UNMISS

Mlinda amani wa Umoja wa Mataifa kutoka Tanzania akiwa na wanawake kwenye jimbo la Kivu Kaskazini nchini DRC.

Walinda amani wanawake wanakuwa na fursa nzuri ya kuzungumza na wanawake na watoto na hivyo kusongesha amani na haki za binadamu, kama pichani mlinda amani kutoka Tanzaina anayehudumu MONUSCO, DRC.

TANZBATT_8/Kapteni Tumaini Bagambo.

Walinda amani wa UN kutoka Senegal wanaohudumu nchini Mali chini ya MINUSCA wakiendesha uchunguzi wa afya kwa wananchi huko Mopti, katikati mwa Mali.

Huduma ya afya inatolewa na walinda amani wa UN kutoka Senegal wanaohudumu nchini Mali kupitia MINUSMA. Hapa ni Mopti, katikati ya Mali. Huduma za uchunguzi wa afya ziliambatana pia na uhamasishaji wa jamii na elimu kuhusu kuishi kwa utangamano, haki za binadamu, sheria sambamba na mgao wa vifaa kwa jamii.

MINUSMA/Gema Cortes

Kuelekea uchaguzi mdogo nchini Jamhuri ya Afrika ya Kati, CAR mwezi Julai mwaka 2023, walinda amani wa UN kutoka Burundi wanaohudumu ujumbe wa Umoja wa Mataifa wa kulinda amani nchini humo MINUSCA wanaelimisha jamii ya Boubou jinsi ya kukabiliana na kauli za chuki.,

MINUSCA

Mshauri wa jinsia wa MONUSCO Meja Rachel Grimes akizungumza na wanawake zaidi ya 50 huko Eringeti, Kivu Kaskazini nchini DRC kusikiliza mapendekezo yao baada ya makazi ya kushambuliwa na watu waliojihami.

Hapa ni Jamhuri ya Kidemokrasia ya Congo, DRC na kulia ni Mshauri wa Jinsia wa ujumbe wa Umoja wa Mataifa wa kulinda amani nchini humo, MONUSCO, Meja Rachel Grimes akizungumza na wanawake zaidi ya 50 wa eneo la Eringeti jimboni Kivu Kaskazini kupata maoni yao baada ya waasi kuwashambulia. Wanawake wanataka ulinzi uimarishwe ili waweze kuendelea na shughuli zao ikiwemo kilimo.

UN Photo/Abel Kavanagh

Walinda amani wa UN kutoka Bangladesh waokoa wachungaji wawili waliotekwa na wanamgambo pamoja na ng'ombe wao 23 katika kijiji cha Su, eneo la Djugu jimboni Ituri nchini DRC.

Waasi DRC pamoja na kushambulia raia, wanawateka wao na mifugo yao. Walinda amani wa UN kutoka Bangladesh waliweza kuwasaka watekaji na kuwaokoa wachungaji na mifugo yao huku Djugu jimboni Ituri.

MONUSCO/Force

Kwa mara ya kwanza wanawake wanne nchini Jamhuri ya Afrika ya Kati, CAR wameshiriki kwenye mazungumzo ya amani yaliyofanyika nchi jirani ya Sudan kati ya serikali na vikundi vilivyojihami ili kumaliza mzozo nchini mwao.

Guetel Moiba Esther Adrienne, (pichani) akiwakilisha kundi lililojihami nchini Jamhuri ya Afrika ya Kati, (CAR) akitia saini makubaliano ya kisiasa ya amani na maridhiano ya mwaka 2019 yaliyofanyika nchini Sudan. ilikuwa mara ya kwanza wanawake kwa wanne kushiriki kwenye mazungumzo ya amani.

UN/MINUSCA/ Herve Serefio