تازہ خبریں

جنوبی لبنان میں فلسطینی پناہ گزینوں کے کیمپ عین الحلوہ میں مسلح لڑائی تیسرے روز بھی جاری ہے جبکہ ملک میں اقوام متحدہ کی اعلیٰ ترین عہدیدار کا کہنا ہے کہ ان حالات میں بچوں سمیت عام لوگوں کو نقصان ہو رہا ہے۔

یوکرین کے لیے اقوام متحدہ کی امدادی رابطہ کار ڈنیز براؤن نے کہا ہے کہ ملک میں شہری تنصیبات پر جاری حملوں سے انسانی ضروریات بڑھ رہی ہیں اور ضرورت مند لوگوں کو مدد کی فراہمی یقینی بنانے کے لیے مالی وسائل میں اضافہ کرنا ہو گا۔

امریکہ سے چین تک دنیا بھر کے ممالک شدید گرمی سے نبرد آزما ہیں جبکہ عالمی موسمیاتی ادارے (ڈبلیو ایم او) نے کہا ہے کہ شمالی کرے میں حالیہ موسم گرما کے دوران شدید موسمی کیفیات لوگوں کی صحت اور ماحول کو سخت نقصان پہنچا رہی ہیں۔

اقوام متحدہ کے سیکرٹری جنرل انتونیو گوتیرش نے پاکستان کے شمال مغربی صوبے میں ایک سیاسی جلسے پر خودکش بم حملے کی کڑی مذمت کی ہے۔

عالمی ادارہ صحت (ڈبلیو ایچ او) نے بتایا ہے کہ 5.6 ارب لوگوں یا دنیا کی 71 فیصد آبادی کو مہلک تمباکو سے اپنی زندگیوں کی حفاظت کے لیے موثر طریقہ کار کے حوالے سے کم از کم ایک پالیسی کے ذریعے تحفظ حاصل ہے۔ یہ تعداد 2007 کے مقابلے میں پانچ گنا زیادہ ہے۔

انسانی سمگلنگ کے خلاف تیس جولائی کو منائے جانے والے عالمی دن کے موقع پر اقوام متحدہ کے سربراہ انتونیو گوتیرش نے اپنے پیغام میں کہا ہے کہ سب مل کر ایسی دنیا تعمیر کریں جہاں کسی کو خریدا یا بیچا نہ جا سکے اور نہ ہی کسی کو استحصال کا سامنا ہو۔

سلامتی کونسل کے ارکان نے نیجر کے منتخب جمہوری صدر محمد بازوم کی فوری اور غیرمشروط رہائی کا مطالبہ کرتے ہوئے انہیں، ان کے اہلخانہ اور ان کی حکومت کے ارکان کو تحفظ دینے پر زور دیا ہے۔

نیجر میں اقوام متحدہ کی اعلیٰ عہدیدار نے بتایا ہے کہ ملک میں اس ہفتے فوجی بغاوت کے بعد وہاں امدادی کارروائیاں، ترقیاتی کاموں کے لیے امداد اور امن پروگرام بدستور جاری ہیں۔

اقوام متحدہ میں پناہ گزینوں کے امور سے متعلق ادارے (یو این ایچ سی آر) نے کہا ہے کہ برکینا فاسو میں شدت پسند گروہوں کے حملوں سے جان بچا کر نکلنے والے لوگوں کو ہمسایہ ممالک میں پناہ لینے کی اجازت دی جائے۔