مغربی افریقہ کے ملک مالی میں قیام امن کے لیے اقوام متحدہ کا مشن ایک دہائی تک کثیرالجہتی کوششوں کے بعد اختتام کو پہنچ گیا ہے۔ ملکی حکومت نے اقوام متحدہ سے 31 دسمبر تک مشن کو واپس بلانے کی درخواست کر رکھی تھی۔
اقوام متحدہ کی سلامتی کونسل کے ہنگامی اجلاس میں ارکان نے مقبوضہ مغربی کنارے میں اسرائیلی فوج اور آباد کاروں کے تشدد پر گہری تشویش ظاہر کرتے ہوئے خبردار کیا ہے کہ اسرائیل۔فلسطین تنازع پورے خطے کو لپیٹ میں لے سکتا ہے۔
اقوام متحدہ کے سیکرٹری جنرل انتونیو گوتیرش نے 2024 کو اعتماد اور امید کی بحالی کا سال بنانے کے لیے عالمگیر اتحاد پر زور دیا ہے۔
افغانستان میں اقوام متحدہ کے امدادی مشن (یونیما) کی سربراہ روزا اوتنبائیوا نے ملک میں انسانی حقوق کی صورتحال کو تشویش ناک قرار دیتے ہوئے کہا ہے کہ بین الاقوامی اصولوں کی پاسداری کے معاملے پر طالبان سے کوئی رعایت نہیں برتی جا سکتی۔
اقوام متحدہ کے ہائی کمشنر برائے انسانی حقوق وولکر تُرک نے روس پر یوکرین میں جنگ بندی کے لیے زور دیتے ہوئے کہا ہے کہ منصفانہ امن ہی اس المناک تنازع سے متاثرہ ہزاروں لوگوں کی تکالیف میں کمی لانے کا واحد راستہ ہے۔
پاکستان میں غیررسمی شعبے کے محنت کشوں کی 74 فیصد تعداد خواتین پر مشتمل ہے جنہیں صاف، صحت مند اور پائیدار ماحول کے حق تک رسائی دینے کے لیے آگاہی، تربیت اور حکومتی سطح پر منصوبہ بندی درکار ہے۔
اقوام متحدہ کی جنرل اسمبلی نے منگل کو ہونے والے اپنے خصوصی ہنگامی اجلاس میں غزہ میں انسانی بنیادوں پر فوری جنگ بندی اور تمام یرغمالیوں کی غیر مشروط رہائی کے حق میں قرارداد بھاری اکثریت سے منظور کر لی ہے۔
اقوام متحدہ کے سیکرٹری جنرل انتونیو گوتیرش نے 'کاپ 28' میں معدنی ایندھن کے استعمال کو ختم کرنے کے لیے معاہدے پر زور دیتے ہوئے کہا ہے کہ اب موسمیاتی تبدیلی کے مسئلے سے نظریں چرانے کا وقت نہیں رہا۔
جنیوا میں اتوار کو منعقدہ ایک خصوصی ہنگامی اجلاس میں عالمی ادارہ صحت (ڈبلیو ایچ او) کے ایگزیکٹو بورڈ نے غزہ کی پٹی میں تباہ کن انسانی صورتحال سے نمٹنے کے لیے اتفاق رائے سے ایک قرارداد منظور کی ہے۔
انسانی حقوق کے عالمی دن پر اقوام متحدہ کے سیکرٹری جنرل نے کہا ہے کہ دنیا کو درپیش گوناں گوں مسائل کے ہوتے ہوئے تمام لوگوں کے سماجی، ثقافتی، معاشی، شہری اور سیاسی حقوق کا فروغ اور احترام پہلے سے زیادہ اہمیت اختیار کر گیا ہے۔
