اقوام متحدہ کی امن کارروائیوں کے سربراہ جین۔پیئر لاکواء نے فروری میں جمہوریہ کانگو کے علاقے روئے میں اندرون ملک بے گھر ہونے والے لوگوں (آئی ڈی پی) کے کیمپ کا دورہ کیا۔ یہاں اقوام متحدہ کے مشن (مونسکو) کی حفاظت میں 65,000 سے 70,000 تک آئی ڈی پی قیام پذیر ہیں۔
اپریل میں سیکرٹری جنرل انتونیو گوتیرش صدر وولودیمیر زیلنسکی سے ملاقات کے لیے یوکرین گئے اور کیئو اوبلاسٹ کے قصبے ارپن میں تباہ شدہ رہائشی علاقے کا دورہ کیا۔ اس موقع پر ان کا کہنا تھا کہ ''اس خوفناک منظر سے ایک ایسی بات کا اظہار ہوتا ہے جو بدقسمتی سے ہمیشہ سچ ثابت ہوئی ہے کہ 'شہری ہمیشہ جنگ کی سب سے بھاری قیمت چکاتے ہیں۔ ان عمارتوں میں بے گناہ شہری مقیم تھے۔''
موسم گرما کے اواخر میں آنے والے سیلاب نے پاکستان کو بری طرح متاثر کیا اور ستمبر کے اوائل میں سیکرٹری جنرل نے وہاں کا دورہ کر کے صوبہ سندھ اور بلوچستان میں سیلاب کی تباہ کاریوں کا براہ راست مشاہدہ کیا۔ اس آفت میں 1,300 سے زیادہ اموات ہوئیں اور لاکھوں لوگ بے گھر ہو گئے جبکہ ملک کا ایک تہائی حصہ زیر آب آ گیا۔
ستمبر میں نیویارک میں اقوام متحدہ کی جنرل اسمبلی کی عمارت میں ارکان کی عمومی بات چیت کا انعقاد ہوا جس میں ملالہ نے شرکت کی، اینجیلیک نے گیت گایا، صحافیوں کی بہت بڑی تعداد شریک ہوئی، سنٹرل پارک میں گلوبل سٹیزن فیسٹیول کا انعقاد ہوا اور لٹل امل نے اقوام متحدہ کے ہیڈکوارٹر کا دورہ کیا۔
نومبر میں اقوام متحدہ نے نیویارک میں واقع اپنے ہیڈکوارٹر میں رہنمائی پر مبنی دوروں کو 70 سال مکمل ہونے پر ایک فیشن شو کاانعقاد کیا جس میں گزشتہ سات دہائیوں میں استعمال ہونے والے مختلف یونیفارم اور روایتی ملبوسات کی نمائش ہوئی۔ ادارے نے امریکہ میں فیشن وضع کرنے والوں کی کونسل (سی ایف ڈی اے) کی جانب سے 2022 کے لیے ماحولیاتی استحکام کا اعزاز بھی وصول کیا۔
دسمبر میں حیاتیاتی تنوع کے موضوع پر مونٹریال میں منعقدہ اقوام متحدہ کی کانفرنس 'کاپ15' میں حیاتیاتی تنوع سے متعلق نئے عالمگیر فریم ورک پر اتفاق کیا گیا۔ سیکرٹری جنرل انتونیو گوتیرش نے ایک ایسے سال کے اختتام پر مونٹریال کے بائیو سفیئر میوزیم میں کینیڈا کے وزیراعظم جسٹن ٹروڈو سے ملاقات کی جس میں دنیا کے اہم ترین اور دشوار مسائل پر بین الاقوامی تعاون کی ضرورت سامنے آئی۔