غزہ کی صورتحال اور اسرائیل فلسطین بحران پر جمعہ کو اقوام متحدہ کی جنرل اسمبلی کے خصوصی ہنگامی اجلاس میں رکن ممالک نے بھاری اکثریت سے ایک قرارداد منظور کی ہے جس کی رو سے فلسطینی ریاست کو ادارے کی مکمل رکنیت دیے بغیر بطور مبصر اس کے حقوق کو وسعت دی گئی ہے۔
اقوام متحدہ کے سیکرٹری جنرل انتونیو گوتیرش نے اسرائیل اور حماس سے اپیل کی ہے کہ وہ سیاسی جرات کا مظاہرہ کرتے ہوئے غزہ میں جنگ کو روک دیں۔
فلسطینی پناہ گزینوں کے لیے اقوام متحدہ کے امدادی ادارے (انرا) کے کمشنر جنرل فلپ لازارینی نے کہا ہے کہ جنوبی غزہ کے شہر رفح پر اسرائیل کے ممکنہ بڑے حملے کے پیش نظر لوگ شدید خوف و دہشت کا شکار ہیں۔
اقوام متحدہ کے سیکرٹری جنرل انتونیو گوتیرش نے اسرائیل اور حماس کے رہنماؤں سے اپیل کی ہے کہ وہ غزہ کے لوگوں، یرغمالیوں، خطے اور پوری دنیا کی خاطر جنگ بندی کا معاہدہ ممکن بنائیں۔
غزہ میں امدادی امور اور تعمیر نو کے لیے اقوام متحدہ کی اعلیٰ سطحی رابطہ کار سگریڈ کاگ نے کہا ہے کہ سات ماہ سے بمباری کا سامنا کرنے والے فلسطینیوں کی تکالیف کا مداوا کرنا اور علاقے میں بحالی کی سرگرمیوں کا فوری آغاز ہونا ضروری ہے۔
امدادی کارروائیوں اور تعمیر نو کے لیے اقوام متحدہ کی خصوصی رابطہ کار سگریڈ کاگ نے اعلان کیا ہے کہ غزہ میں آئندہ چند روز میں زندگی بچانے والی انسانی امداد پہنچانے کا ایک نیا نظام متعارف کرایا جا رہا ہے۔
فلسطینی پناہ گزینوں کے لیے اقوام متحدہ کے امدادی ادارے (انرا) نے غیرجانبداری برقرار رکھنے اور ضابطوں کی سنگین خلاف ورزیوں کے الزامات پر ضروری کارروائی کے لیے غیرجانبدار جائزہ پینل کی رپورٹ میں دی گئی سفارشات کا خیرمقدم کیا ہے۔
پندرہ رکنی سلامتی کونسل میں ریاست فلسطین کی اقوام متحدہ میں رکنیت کی قرارداد کے حق میں بارہ ووٹ پڑے جبکہ دو ارکان برطانیہ اور سوئٹزرلینڈ نے رائے شماری میں حصہ نہیں لیا۔ امریکی ویٹو کے بعد اقوام متحدہ میں فلسطین کی باقاعدہ رکنیت کی قرارداد اب جنرل اسمبلی میں رائے شماری کے لیے پیش نہیں کی جا سکے گی۔
اقوام متحدہ کی جنرل اسمبلی کے صدر ڈینس فرانسس نے بااثر ممالک سے اپیل کی ہے کہ وہ غزہ میں چھ ماہ سے جاری جنگ کو بند کرانے میں اپنا کردار ادا کریں۔
سلامتی کونسل نے اقوام متحدہ کی مکمل رکنیت کے لیے فلسطینی مبصر ریاست کی درخواست جائزے کے لیے خصوصی کمیٹی کے سپرد کر دی ہے۔
