اسرائیل کی عسکری کارروائی شروع ہونے کے بعد غزہ کے جنوبی علاقے رفح سے آٹھ لاکھ لوگ نقل مکانی کر چکے ہیں۔ فلسطینی پناہ گزینوں کے لیے اقوام متحدہ کے امدادی ادارے (انرا) نے بے گھر ہونے والوں کو تحفظ اور انسانی امداد فراہم کرنے کی اپیل کی ہے۔
رفح پر اسرائیلی حملہ روکنے کا حکم دینے کے لیے عالمی عدالت انصاف (آئی سی جے) میں جنوبی افریقہ کے مقدمے کی سماعت مکمل ہوگئی ہے۔ اسرائیل نے اپنے خلاف الزامات کو مسترد کرتے ہوئے کہا ہے کہ وہ اپنے دفاع کی جنگ لڑ رہا ہے اور اس نے نسل کشی کا ارتکاب نہیں کیا۔
امدادی امور کے لیے اقوام متحدہ کے رابطہ دفتر (اوچا) نے بتایا ہے کہ سمندری راہداری کے ذریعے بھیجی جانے والی انسانی امداد غزہ کے ساحل پر پہنچ گئی ہے لیکن یہ مدد ضروریات پوری کرنے کے لیے کافی نہیں اور سمندری راستہ زمینی گزرگاہوں کا متبادل نہیں ہو سکتا۔
صحت کے انسانی حق پر اقوام متحدہ کی خصوصی اطلاع کار لالینگ موفکینگ نے ایک معروف فلسطینی آرتھوپیڈک سرجن کی اسرائیلی حراست میں ہلاکت کو ہولناک قرار دیتے ہوئے اس واقعے کی بین الاقوامی تحقیقات کا مطالبہ کیا ہے۔
اقوام متحدہ کے سیکرٹری جنرل انتونیو گوتیرش نے غزہ کو مشرق وسطیٰ کا کھلا زخم قرار دیتے ہوئے وہاں انسانی بنیادوں پر جنگ بندی، تمام یرغمالیوں کی رہائی اور امداد کی بلارکاوٹ فراہمی کے مطالبے کو دہرایا ہے۔
اقوام متحدہ کی امدادی ٹیموں نے غزہ بھر میں انسانی امداد کی فراہمی کے لیے محفوظ راستہ مہیا کرنے کا مطالبہ کرتے ہوئے کہا ہے کہ علاقے میں خوراک سمیت بنیادی اشیائے ضرورت کی شدید قلت کے باعث زندگیاں خطرے میں ہیں۔
غزہ کے شمالی اور جنوبی علاقوں میں اسرائیلی فوج اور فلسطینی جنگجوؤں کے مابین شدید لڑائی کی اطلاعات ہیں۔ اقوام متحدہ کے امدادی اداروں نے خبردار کیا ہے کہ امداد پر پابندیوں اور محفوظ رسائی میں مشکلات کے باعث علاقے میں قحط کا خطرہ برقرار ہے۔
اقوام متحدہ کے سیکرٹری جنرل انتونیو گوتیرش نے غزہ کے جنوبی علاقے رفح میں اسرائیلی فوج کی عسکری سرگرمیوں میں اضافے پر افسوس کا اظہار کرتے ہوئے فوری جنگ بندی اور تمام یرغمالیوں کی رہائی کا مطالبہ کیا ہے۔
انسانی حقوق پر اقوام متحدہ کے مقرر کردہ غیرجانبدار ماہرین نے جنگوں اور پرتشدد تنازعات کے خلاف پرامن احتجاج کرنے والوں پر جبر کو انسانی حقوق کی خلاف ورزی قرار دیتے ہوئے ایسی کارروائیاں روکنے کا مطالبہ کیا ہے۔
غزہ کے جنوبی شہر رفح سے 450,000 افراد انخلاء کر گئے ہیں جس کے بعد علاقے میں ویرانی کا سماں ہے۔ اقوام متحدہ کے امدادی اداروں نے کہا ہے کہ نقل مکانی کرنے والے لوگ تھکے ماندے، بھوکے اور خوفزدہ ہیں جن کے لیے کہیں کوئی جائے پناہ نہیں ہے۔
