Kufuatia uamuzi wa Serekali ya Eritrea kupiga marufuku na kuwafukuza watumishi watano wa Umoja wa Mataifa, Katibu Mkuu amelazimika kutoa malalamiko juu ya tabia ya uhasama uliolivaa taifa hilo dhidi ya Shirika la Ulinzi wa Amani la UM Mipakani kati ya Ethiopia na Eritrea (UNMEE), shirika ambalo mtumishi wake mmoja alikamatwa hivi karibuni na Eritrea na kuwekwa kizuizini.
Maafisa wa usalama katika Tanzania wamemuachia huru yule wakili wa utetezi kwenye mahakama ya kimataifa ya Rwanda, (ICTR) bila ya maelezo juu ya sababu za kukamatwa kwa wakili huyo.
Mkurugenzi Mkuu wa Shirika la UM juu ya Chakula na Kilimo Duniani (FAO), Bw Jacques Diouf ameonya ya kuwa jumuiya ya kimataifa haitofanikiwa kukamilisha kwa wakati Malengo ya Maendeleo ya Milenia (MDGs) bila ya kukabiliana, kama inavyopaswa, na tatizo liliokithiri la njaa na umaskini.
Wajumbe kutoka karibu mataifa 100 walikusanyika kwenye Makao Makuu ya UM mjini New York, mwishoni mwa mwezi Agosti na kupitisha azimio muhimu la karne la kuridhia Mkataba wa UM juu ya Haki za Watu Walemavu.~
Wajumbe kutoka karibu mataifa 100 walikusanyika kwenye Makao Makuu ya UM mjini New York, mwishoni mwa mwezi Agosti na kupitisha azimio muhimu la karne la kuridhia Mkataba wa UM juu ya Haki za Watu Walemavu.~
Peter Mbiyu Kangethe, mjumbe wa baraza la serekali ya mitaa nchini Kenya ni moja ya raia wanaohusikana na juhudi za kupitisha sheria zitakazotumiwa kulinda maslahi ya yale watu wanaoishi na virusi vya UKIMWI (VVU) na UKIMWI. ~
Wajumbe wa serekali ya mpito ya Somalia na wale wa Baraza la mahakama ya kiislamu linalodhibiti mji mkuu wa Mogadishu na sehemu kubwa ya nchi, wanaanza duru ya pili ya mazungumzo ya amani mjini Khartoum hii leo. Abdushakur Aboud amezungumza na mbunge na waziri mdogo wa zamani Hussein Bantu huko Baido na kumuliza kwanza mazungumzo yatahusu masuala gani. ~~
Baada ya miaka mitano ya majadiliano wajumbe kutoka karibu mataifa 100 ya dunia walikutana kwenye makao makuu ya umoja wa mataifa hapa New York, mwishoni mwa mwezi wa Agosti walikubaliana juu ya mkataba mpya wa kulinda haki za watu wenye ulemavu.
Baraza la Usalama, limekubali kupeleka jeshi la kulinda amani la Umoja wa mataifa la zaidi ya wanajeshi elfu 17 katika jimbo lenye ghasia la Darfur huko Sudan, ifikapo mwisho wa mwaka huu.
Mratibu wa huduma za dharura wa Umoja wa mataifa huko Chad, ambako kuna maelfu na maelfu ya wakimbizi wa Kisudan kutoka jimbo la Darfur, ameonya kwamba kutaweza kutokea maafa makubwa ya kibinadamu, ikiwa serekali za nchi hizo mbili hazitotanzua tofauti kati yao na kutafuta njia za kusitisha ghasia.
