اقوام متحدہ کے اداروں نے یمن میں اپنے عملے کے دو ارکان کی فوری رہائی کے مطالبے کو دہراتے ہوئے ان کی قید کو بین الاقوامی انسانی قانون کی خلاف ورزی قرار دیا ہے۔ دونوں اہلکار دو سال سے زیادہ عرصہ سے دارالحکومت صنعا میں حوثی حکام کی حراست میں ہیں۔
اقوام متحدہ کے عالمی ادارہ صحت (ڈبلیو ایچ او) نے یمن میں خسرے اور روبیلا میں مبتلا بچوں کی بڑھتی ہوئی تعداد کے بارے میں کڑا انتباہ جاری کیا ہے جبکہ ملک میں حفاظتی ٹیکے لگانے کی مہم مالی وسائل کی کمی کے باعث محدود ہو گئی ہے۔
اقوام متحدہ کے دو اعلیٰ عہدیداروں نے جنگ زدہ یمن میں جاری سیاسی، معاشی اور انسانی مسائل کے ہوتے ہوئے امن کی ضرورت واضح کی ہے۔
یمن کے مغربی ساحل کے قریب ایک متروک تیل بردار بحری جہاز سے ایک ملین بیرل خام تیل کی منتقلی کے لیے اقوام متحدہ کے زیرقیادت کارروائی جمعے کو محفوظ انداز میں مکمل ہو گئی ہے جس سے بڑے پیمانے پر تیل کے سمندر میں اخراج کا خطرہ ٹل گیا ہے۔
اقوام متحدہ نے یمن میں اپنے پانچ سکیورٹی اہلکاروں کی رہائی کا خیرمقدم کیا ہے جو ایک سال سے زیادہ عرصہ سے قید تھے۔ ان میں سے چار کا تعلق یمن اور ایک کا بنگلہ دیش سے ہے۔
یمن میں اقوام متحدہ کے اعلیٰ امدادی عہدیدار نے ملک میں عالمی پروگرام برائے خوراک (ڈبلیو ایف پی) کے عملے پر حالیہ حملے کے ذمہ داروں کو انصاف کے کٹہرے میں لانے کا مطالبہ کیا ہے۔ اس حملے میں عملے کا ایک رکن ہلاک اور ایک زخمی ہوا ہے۔
اقوام متحدہ میں انسانی حقوق کے دفتر نے یمن کے دارالحکومت صںعا میں بہائی مذہبی اقلیت کے پیروکاروں کی گرفتاری اور ایک نمایاں مذہبی پیشوا کے خطبے پر تشویش کا اظہار کیا ہے جس میں بہائی اور اور دیگر مذہبی گروہوں کو نشانہ بنانے کی بات کی گئی ہے۔
رواں سال کے پہلے پانچ ماہ کے دوران یمن میں حکومت کے زیرتسلط اضلاع میں غذائی تحفظ کی صورتحال "قدرے بہتر" ہوئی ہے تاہم اقوام متحدہ کے اداروں نے متنبہ کیا ہے کہ شدید غذائی قلت میں بدستور اضافہ ہو رہا ہے۔
اقوام متحدہ کی سلامتی کونسل کو بتایا گیا ہے کہ یمن میں جنگی فریقین قریباً ایک تہائی پر محیط تنازعے کا خاتمہ کرنے کی کوششوں میں پیش رفت کر رہے ہیں تاہم بہت سے مسائل اب بھی حل طلب ہیں۔
یمن کی طویل جنگ میں قیدیوں کا ایک بڑا تبادلہ جمعے کو شروع ہو گیا ہے۔ اس موقع پر اقوام متحدہ کے خصوصی نمائندے ہینز گرنڈ برگ نے متحارب فریقین پر زور دیا ہے کہ وہ جنگ زدہ ملک کے پُرامن مستقبل کے لیے کوششیں جاری رکھیں۔
