ایران کے صدر سید ابراہیم رئیسی نے اقوام متحدہ کی جنرل اسمبلی سے خطاب کرتے ہوئے غیرمغربی طاقتوں کے ظہور پر بات کی، سلامتی و معیشت کے شعبوں میں علاقائی شراکتوں کی حوصلہ افزائی کی اور فلسطینی علاقوں پر اسرائیلی قبضے پر افسوس کا اظہار کیا۔
یوکرین کے صدر وولودیمیر زیلنسکی نے اقوام متحدہ کی جنرل اسمبلی میں عالمی رہنماؤں کو بتایا ہے کہ روس جوہری حملے کے خطرات پیدا کرنے کے ساتھ ناصرف یوکرین بلکہ دنیا بھر کے خلاف خوراک اور توانائی کی عالمی منڈیوں کو بھی بطور ہتھیار استعمال کر رہا ہے۔
جنرل اسمبلی کے سالانہ اجلاس سے خطاب کرتے ہوئے امریکہ کے صدر جوزف بائیڈن نے اقوام متحدہ کی اساس علاقائی سالمیت اور انسانی حقوق کا مشترکہ طور پر دفاع کرنے پر زور دیا ہے۔
اقوام متحدہ کے سیکرٹری جنرل انتونیو گوتیرش خبردار کیا ہے کہ دنیا غیر مستحکم ہو رہی ہے جبکہ بہت زیادہ خطرے اور بہت کم اتفاق رائے کے وقت عالمگیر بحران کو حل کرنا ہی اقوام متحدہ کا مقصد ہے۔
اقوام متحدہ کے عالمی ادارہ صحت (ڈبلیو ایچ او) نے طبی شعبے میں مضبوط سیاسی عزم اور حکومتی سطح پر سرمایہ کاری بڑھانے کی ضرورت کو واضح کرتے ہوئے بتایا ہے کہ دنیا بھر میں 4.5 ارب لوگوں کو ضروری طبی خدمات میسر نہیں ہیں۔
کرہ ارض کو تحفظ دینے کے اقدامات کی رفتار تیز ہونے کو ہے جب دنیا بھر کے رہنما، بڑے کاروبار اور ماہرین موسمیاتی عزم سے متعلق کانفرنس کے لیے 20 ستمبر کو اکٹھے ہو رہے ہیں۔
اقوام متحدہ کی جنرل اسمبلی میں عالمی رہنماؤں نے پائیدار ترقی کے 17 اہداف کے حصول کی جانب اقدامات تیز کرنے کے لیے ایک سیاسی اعلامیے کی منظوری دی ہے جس کا مقصد زمینی ماحول کو تحفظ دیتے ہوئے تمام لوگوں کی معاشی خوشحالی اور بہبود کو بڑھانا ہے۔
دنیا کے کئی نمایاں رہنما آئندہ ہفتے اقوام متحدہ کی جنرل اسمبلی کے سالانہ اجلاس میں شریک نہیں ہو رہے جبکہ سیکرٹری جنرل انتونیو گوتیرش نے کہا ہے کہ اس سے کوئی فرق نہیں پڑتا، ان کے لیے اہم بات یہ ہے کہ اس اجلاس میں خاص طور پر پائیدار ترقی کے اہداف پر پیش رفت کے لیے کیا طے پاتا ہے۔
یو این نیوز کو انٹرویو دیتے ہوئے سیکرٹری جنرل انتونیو گوتیرش کا کہنا تھا کہ کہ جنرل اسمبلی کے سالانہ اجلاس میں عالمی رہنماؤں کی شرکت یا عدم شرکت سے زیادہ اہم یہ یقینی بنانا ہے کہ رکن ممالک کے نمائندے پائیدار ترقی کے اہداف سے متعلق ضروری وعدے کرنے کے لیے تیار ہوں کیونکہ بدقسمتی سے ان اہداف کی جانب درست سمت میں پیش رفت نہ ہونا ایک حقیقت ہے۔
اقوام متحدہ کے سیکرٹری جنرل انتونیو گوتیرش نے سول سوسائٹی سے کہا ہے کہ وہ پائیدار ترقی کے اہداف (ایس ڈی جی) کو قابل رسائی بنانے اور ہر فرد کے بہتر مستقبل کی خاطر جدوجہد میں مدد دینے کے لیے اپنی پُرجوش آوازوں اور توانا نیٹ ورک سے کام لے۔
