اقوام متحدہ کی جنرل اسمبلی کے صدر ڈینس فرانسس نے کہا ہے کہ سلامتی کونسل کو غزہ، مالی، شام، یوکرین اور شمالی کوریا کے معاملے میں امن و سلامتی کے اہم مسائل سے اجتماعی طور پر نمٹنے میں ناکامی کا سامنا ہے۔
پندرہ رکنی سلامتی کونسل میں ریاست فلسطین کی اقوام متحدہ میں رکنیت کی قرارداد کے حق میں بارہ ووٹ پڑے جبکہ دو ارکان برطانیہ اور سوئٹزرلینڈ نے رائے شماری میں حصہ نہیں لیا۔ امریکی ویٹو کے بعد اقوام متحدہ میں فلسطین کی باقاعدہ رکنیت کی قرارداد اب جنرل اسمبلی میں رائے شماری کے لیے پیش نہیں کی جا سکے گی۔
اقوام متحدہ کے سیکرٹری جنرل انتونیو گوتیرش نے سلامتی کونسل کو بتایا ہے کہ مشرق وسطیٰ میں حالیہ کشیدگی کے باعث اسرائیل اور ایک مکمل آزاد، قابل عمل اور خودمختار فلسطینی ریاست کے مابین پائیدار امن کے قیام کی اہمیت پہلے سے کہیں بڑھ گئی ہے۔
فلسطینی پناہ گزینوں کے لیے اقوام متحدہ کے امدادی ادارے (انرا) کے کمشنر جنرل فلپ لازارینی نے سلامتی کونسل کو بتایا ہے کہ غزہ میں بچے بھوک سے مر رہے ہیں لیکن ادارے کو ان کے لیے خوراک مہیا کرنے کی اجازت نہیں دی جا رہی۔
اقوام متحدہ کے سیکرٹری جنرل انتونیو گوتیرش نے کہا ہے کہ مشرق وسطیٰ کے لوگوں کو بڑے پیمانے پر تباہ کن جنگ کا حقیقی خطرہ لاحق ہے۔ خطے کو تباہی سے بچانے کے لیے تمام ممالک کو تحمل سے کام لینا ہو گا۔
اقوام متحدہ کی جنرل اسمبلی کے صدر ڈینس فرانسس نے بااثر ممالک سے اپیل کی ہے کہ وہ غزہ میں چھ ماہ سے جاری جنگ کو بند کرانے میں اپنا کردار ادا کریں۔
امدادی حکام نے سلامتی کونسل سے غزہ میں تباہی روکنے کے لیے مداخلت کا مطالبہ کرتے ہوئے کہا ہے کہ علاقے میں امدادی کارکنوں اور شہریوں کی منظم ہلاکتوں کے ذمہ داروں کو کھلی چھوٹ حاصل ہے۔
اقوام متحدہ کے شعبہ قیام امن و سیاسی امور میں پالیسی و ثالثی ڈویژن کے ڈائریکٹر آصف آر خان کہتے ہیں کہ قیام امن مثبت عزم اور امید کے ساتھ مسلسل کوشش کا نام ہے۔
