اقوام متحدہ کے ہائی کمشنر برائے انسانی حقوق وولکر ترک نے کہا ہے کہ دنیا میں انسانی حقوق بحران کا شکار نہیں بلکہ ان پر عملدرآمد اور تمام لوگوں کے حقوق کا احترام یقینی بنانے کے لیے مضبوط سیاسی قیادت کا فقدان ہے۔
اقوام متحدہ کے دفتر برائے انسانی حقوق (او ایچ سی ایچ آر) نے پاکستان کے صوبہ بلوچستان میں مسلح افراد کے ہاتھوں 20 کان کنوں کی ہلاکت پر تشویش اور افسوس کا اظہار کرتے ہوئے اس واقعے کے ذمہ داروں کو قانون کے کٹہرے میں لانے کا مطالبہ کیا ہے۔
صنفی مساوات کے حصول کے لیے عالمگیر کوششوں کی قیادت کرنے والے اقوام متحدہ کے ادارے کی سربراہ نے سلامتی کونسل کو خبردار کیا ہے کہ قیام امن میں خواتین کی شمولیت کے لیے بروقت نئے اہداف اور موثر منصوبے بنانا ہوں گے۔
اقوام متحدہ نے ایک نیا آن لائن کورس شروع کیا ہے جو وکی ہاؤ پلیٹ فارم استعمال کرنے والوں کو سوشل میڈیا پر تیزی سے پھیلتی خطرناک نوعیت کی غلط اطلاعات سے محفوظ رہنے کے لیے اہم مشورے دیتا ہے۔
اقوام متحدہ میں سیاست اور قیام امن سے متعلق شعبے کے ایک اعلیٰ عہدیدار نے آرمینیا اور آذربائیجان سے کہا ہے کہ وہ رواں ہفتے کئی روز سے جاری لڑائی کے بعد ''تناؤ میں کمی لانے کے لیے فوری اور ٹھوس اقدامات کریں۔'' اطلاعات کے مطابق اس لڑائی میں دونوں جانب سے اب تک درجنوں افراد ہلاک ہو گئے ہیں۔
