اقوام متحدہ کے سیکرٹری جنرل انتونیو گوتیرش نے موسمیاتی تبدیلی کے خلاف ماحول دوست توانائی کی اہمیت پر زور دیتے ہوئے معدنی ایندھن سے چھٹکارا پانے اور مزید پائیدار نقل و حمل کی جانب منتقلی کے لیے کہا ہے۔
اقوام متحدہ کی انسانی حقوق کونسل میں 'ترقی کے حق' پر ورکنگ گروپ کے سربراہ سفیر ضمیر اکرم نے کہا ہے کہ ترقی بنیادی انسانی حق ہے، تاہم عالمگیر اتفاق رائے کی غیرموجودگی اور عدم تعاون کے باعث اس کے حصول میں مشکلات کا سامنا ہے۔
اقوام متحدہ کے سیکرٹری جنرل انتونیو گوتیرش نے کہا ہے کہ معاشی ترقی، اچھے روزگار کی تخلیق، توانائی کے نظام میں تبدیلی لانے اور پائیدار ترقی کے فروغ میں بنیادی ڈھانچے کی خاص اہمیت ہے اور اس شعبے میں درپیش مسائل کو مواقع میں تبدیل کرنا ہو گا۔
اقوام متحدہ کے سیکرٹری جنرل انتونیو گوتیرش نے مقامی اور علاقائی حکومتوں کے بارے میں اپنا مشاورتی گروپ قائم کیا ہے جو ترقی کے عمل میں ان حکومتوں کی موثر شمولیت کے لیے ادارہ جاتی طریق کار کو بہتر بنانے کے طریقے وضع کرے گا۔
اقوام متحدہ کے سیکرٹری جنرل انتونیو گوتیرش نے کہا ہے کہ مستقبل کے لیے 'ہمارا مشترکہ ایجنڈا' ایسی تجاویز اور تصورات پیش کرتا ہے جن کی بدولت موجودہ اور ہماری خواہش کے مطابق آئندہ ممکنہ دنیا کے مابین فرق کو ختم کیا جا سکتا ہے۔
اقوام متحدہ کے مقاصد کی حمایت میں کام کرنے والے ہزاروں افراد، فنکار، بااثر شخصیات اور شہری تیز بارش کے باوجود ہفتے کی رات نیویارک کے معروف سنٹرل پارک میں جمع ہوئے جہاں نائب سیکرٹری جنرل امینہ محمد نے لوگوں کو تبدیلی کے لیے متحرک ہونے کو کہا۔
عالمی رہنماؤں نے 2030 تک پائیدار ترقی کے اہداف (ایس ڈی جی) کے حصول کے لیے ہنگامی اقدامات اٹھاتے ہوئے ترقی کے لیے مالی وسائل کی فراہمی پر اعلیٰ سطحی بات چیت کا آغاز کیا ہے۔
اقوام متحدہ کے معاشی ماہرین نے بتایا ہے کہ اب سے 2030 تک پائیدار ترقی کے پرعزم اہداف کے حصول کی قیمت 5.4 تا 6.4 ٹریلین ڈالر سالانہ ہو سکتی ہے۔
اقوام متحدہ کی جنرل اسمبلی میں عالمی رہنماؤں نے پائیدار ترقی کے 17 اہداف کے حصول کی جانب اقدامات تیز کرنے کے لیے ایک سیاسی اعلامیے کی منظوری دی ہے جس کا مقصد زمینی ماحول کو تحفظ دیتے ہوئے تمام لوگوں کی معاشی خوشحالی اور بہبود کو بڑھانا ہے۔
دنیا کے کئی نمایاں رہنما آئندہ ہفتے اقوام متحدہ کی جنرل اسمبلی کے سالانہ اجلاس میں شریک نہیں ہو رہے جبکہ سیکرٹری جنرل انتونیو گوتیرش نے کہا ہے کہ اس سے کوئی فرق نہیں پڑتا، ان کے لیے اہم بات یہ ہے کہ اس اجلاس میں خاص طور پر پائیدار ترقی کے اہداف پر پیش رفت کے لیے کیا طے پاتا ہے۔
