زمین کے عالمی دن پر اقوام متحدہ کے ادارہ برائے اطفال (یونیسف) نے پاکستان میں بچوں کو موسمیاتی تبدیلی اور آلودگی سے تحفظ دینے کی ضرورت کو واضح کرتے ہوئے کہا ہے کہ حالیہ بے موسمی بارشوں سے ملک میں بچوں کی صحت و زندگی سنگین خطرات سے دوچار ہے۔
اپریل 12 اور 16 کے درمیان پاکستان بھر میں شدید بارشوں، سیلاب اور آسمانی بجلی گرنے سے بڑے پیمانے پر تباہی ہوئی۔ ان واقعات میں 53 افراد ہلاک اور 50 سے زیادہ زخمی ہو گئے جبکہ 1,400 گھروں کو نقصان پہنچا ہے۔
انسانی حقوق پر اقوام متحدہ کے ماہرین نے پاکستان میں اقلیتی مذہبی گروہوں سے تعلق رکھنے والی لڑکیوں کے لیے جبری تبدیلی مذہب اور جبری شادی سے تحفظ کے فقدان پر تشویش کا اظہار کیا ہے۔
پاکستان میں تیزی سے انحطاط کا شکار ہوتے دریائے سندھ کے طاس کو بچانے کے اقدام 'زندہ دریائے سندھ' کو ماحولیاتی نظام کی بحالی سے متعلق اقوام متحدہ کے سات بڑے منصوبوں میں شامل کر لیا گیا ہے۔
عالمی پروگرام برائے خوراک (ڈبلیو ایف پی) نے پاکستان کے صوبہ سندھ میں سیلاب سے متاثرہ ایک لاکھ 80 ہزار سے زیادہ لوگوں کو نقد امداد فراہم کی ہے۔ اس مدد سے متاثرین کو اپنی زندگیوں کے تحفظ اور بحالی میں مدد ملی۔
اقوام متحدہ کی انسانی حقوق کونسل سے منسلک ماہرین نے پاکستان میں پُرامن انتقال اقتدار پر زور دیتے ہوئے انتخابی عمل کے دوران تنازعات کے قانونی تصفیے اور حقوق کی پامالیوں کے الزامات کی مکمل تحقیقات یقینی بنانے کے لیے کہا ہے۔
اقوام متحدہ کے ہائی کمشنر برائے انسانی حقوق وولکر تُرک نے پاکستان میں سیاسی جماعتوں اور انتخابی امیدوراوں کے خلاف پُرتشدد اقدامات پر افسوس کا اظہار کرتے ہوئے حکام پر زور دیا ہے کہ وہ مشمولہ و بامعنی جمہوری عمل کے لیے بنیادی آزادیوں کو برقرار رکھیں۔
اقوام متحدہ کے سیکرٹری جنرل انتونیو گوتیرش نے صومالیہ سے تعلق رکھنے والے محمد یحییٰ کو پاکستان میں ادارے کا نیا ریذیڈنٹ کوآرڈینیٹر مقرر کیا ہے، جنہوں نے 21 جنوری سے اپنی ذمہ داریاں سنبھال لی ہیں۔ وہ پاکستان میں اقوام متحدہ کے امدادی رابطہ کار کی حیثیت سے بھی خدمات انجام دیں گے۔
اقوام متحدہ کے سیکرٹری جنرل انتونیو گوتیرش نے ایران اور پاکستان کی جانب سے ایک دوسرے کے خلاف فضائی حملوں پر گہری تشویش کا اظہار کرتے ہوئے دونوں ممالک پر تحمل سے کام لینے اور مزید کشیدگی سے بچنے کے لیے زور دیا ہے۔
عالمی ادارہ محنت (آئی ایل او) کے تعاون سے پاکستان کے صوبہ بلوچستان میں بھٹہ مزدوروں کی پہلی یونین قائم کی گئی ہے۔ اس اقدام کی بدولت ان محنت کشوں کو جبری مشقت سے نجات اور اچھے حالات کار کے لیے آجروں کے ساتھ اجتماعی سودے بازی میں مدد ملے گی۔
