پاکستان میں تباہ کن سیلاب کو ایک سال مکمل ہونے پر اقوام متحدہ کے سیکرٹری جنرل انتونیو گوتیرش نے اس آفت کی تباہ کاریوں سے نمٹنے اور متاثرین کی بحالی کے لیے عطیہ دہندگان اور عالمی مالیاتی اداروں سے کہا ہے کہ وہ اپنے وعدے فوری طور پر پورے کریں۔
پاکستان کے نگران وزیراعظم انوارالحق کاکڑ نے اقوام متحدہ کی سلامتی کونسل میں مجوزہ اصلاحات پر بات کرتے ہوئے کہا ہے کہ مستقل ارکان کی تعداد بڑھانے سے ادارے کی ساکھ اور حیثیت متاثر ہوگی اور تجویز دی کہ اس کی بجائے غیر مستقل ارکان کی تعداد اور مدت میں اضافہ کرنا مناسب رہے گا۔
اقوام متحدہ کے ادارہ برائے اطفال (یونیسف) نے خبردار کیا ہے کہ پاکستان میں گزشتہ سال آنے والے سیلاب کی تباہ کاریوں سے بحالی کی کوششوں کے لیے مناسب مقدار میں مالی وسائل دستیاب نہ ہونے کے باعث لاکھوں بچے انسانی امداد پر انحصار کر رہے ہیں۔
اقوام متحدہ میں امدادی امور کے رابطہ دفتر (او سی ایچ اے) کے مطابق امسال پاکستان میں 25 جون سے 30 جولائی تک مون سون کی شدید بارشوں میں 179 افراد ہلاک اور 264 زخمی ہو گئے ہیں۔
اقوام متحدہ کے سیکرٹری جنرل انتونیو گوتیرش نے پاکستان کے شمال مغربی صوبے میں ایک سیاسی جلسے پر خودکش بم حملے کی کڑی مذمت کی ہے۔
’(بارش) بہت شدید تھی، اس میں ہمارے گھر تباہ ہو گئے، ہمارے پاس رہنے کی کوئی جگہ نہیں تھی، کھانے پینےکو کچھ بھی میسر نہیں تھا ۔۔۔ جب یونیسف نے یہ سکول کھولا تو ہم نے یہاں آنا شروع کر دیا‘ پاکستان کے سیلاب زدہ علاقوں میں قائم یونیسف کی ایک محفوظ جگہ سے مستفیذ ہونے والے چودہ سالہ منصور نے بتایا۔
پاکستان میں اقوام متحدہ کے انفارمیشن سنٹر کے مطابق طوفان بپر جوائے سے ممکنہ طور پر متاثر ہونے والے علاقوں سے لوگوں کے انخلاء کا عمل شروع ہوچکا ہے اور یو این ادارے صورتحال سے نمٹنے کے لیے حکومت پاکستان کے ساتھ بھرپور تعاون کر رہے ہیں۔
اقوام متحدہ کے سیکرٹری جنرل انتونیو گوتیرش نے سابق وزیر اعظم عمران خان کی منگل کو گرفتاری کے بعد پاکستان کے مختلف حصوں میں جاری تشدد کے خاتمے کا مطالبہ کیا۔
ترقیاتی منصوبوں کے انتظام و دیکھ بھال کے لیے اقوام متحدہ کا ادارہ یو این او پی ایس جہاں پاکستان میں گزشتہ سال مون سون کی تباہ کن بارشوں اور سیلاب سے متاثرہ علاقوں میں امدادی کاموں میں سہولت کار کے طور پر کام کر رہا ہے وہیں مستقبل میں موسمیاتی شدت کا مقابلہ کرنے والی عمارتوں کی تعمیر میں مدد کا جائزہ بھی لے رہا ہے۔
