اقوام متحدہ میں سیاسی امور کے شعبے کی سربراہ روزمیری ڈی کارلو نے کہا ہے کہ ایران کے جوہری پروگرام پر بین الاقوامی معاہدہ معطل ہے اور اس دوران ملک میں افزودہ یورینیم کے ذخائر طے شدہ حد سے 20 گنا سے بھی بڑھ گئے ہیں۔
عالمی جوہری توانائی ایجنسی (آئی اے ای اے) کے سربراہ رافائل ماریانو گروزی نے بتایا ہے کہ یوکرین میں ژاپوریژیا جوہری پاور پلانٹ (زیڈ این پی پی) چار ماہ بعد اب اپنی واحد بیک پاور لائن سے دوبارہ منسلک ہو گیا ہے لیکن پلانٹ پر بجلی کی صورتحال بدستور انتہائی مخدوش ہے۔
تخفیف اسلحہ کے امور پر اقوام متحدہ کی اعلیٰ سطحی نمائندہ نے سلامتی کونسل کو خبردار کیا ہے کہ روس کی جانب سے بیلاروس میں تدبیراتی جوہری ہتھیاروں کی تنصیب کے منصوبوں سے متعلق اعلان کے بعد تناؤ میں کمی لانے کی فوری کوششیں کرنا ہوں گی۔
خوراک اور ایٹمی توانائی سے متعلق اقوام متحدہ کے ادارے اختراعی 'خلائی نباتاتی'' تحقیق کے ثمرات حاصل کرنے کی تیاری کر رہے ہیں، جنہوں نے اعلان کیا ہے کہ 2022 میں خلا میں بھیجے جانے والے بیج اب زمین پر واپس آنے کو ہیں۔
اقوام متحدہ کے سیکرٹری جنرل انتونیو گوتیرش نے رواں سال کے لیے اپنی ترجیحات پیش کرتے ہوئے خبردار کیا ہے کہ وقت تیزی سے گزر رہا ہے اور دنیا تباہی کے دھانے پر ہے۔ اس سے پہلے کہ حالات بے قابو ہو جائیں، ممالک کو اپنی راہ تبدیل کرنا ہو گی۔
سیاسی امور اور قیام امن کے بارے میں اقوام متحدہ کی انڈر سیکرٹری جنرل روزمیری ڈی کارلو نے سلامتی کونسل میں بات کرتے ہوئے یوکرین بھر میں شہریوں اور اہم تنصیبات پر روس کے ''بے رحمانہ حملوں'' سے ہونے والی تباہی کے بارے میں خبردار کیا ہے۔
جوہری سرگرمیوں کی نگرانی کرنے والے اقوام متحدہ کے ادارے کے سربراہ نے بتایا ہے کہ یوکرین میں شدید نوعیت کے دھماکوں نے زیپوریزیا نیوکلیئر پاور پلانٹ (زیڈ این پی پی) کے علاقے کو ہلا کر رکھ دیا ہے جس سے وہاں نسبتاً پُرسکون حالات اچانک خراب ہو گئے ہیں۔
اقوام متحدہ کے سیکرٹری جنرل انتونیو گوتیرش نے مشرق وسطیٰ کو جوہری اسلحے اور وسیع پیمانے پر تباہی پھیلانے والے دیگر ہتھیاروں سے پاک خِطہ بنانے سے متعلق کانفرنس کے تیسرے اجلاس کے کامیاب اختتام کا خیرمقدم کیا ہے۔
اقوام متحدہ کی جنرل اسمبلی کے صدر سابا کوروشی نے کہا ہے کہ گزشتہ برس دنیا بھر میں پیش آنے والے واقعات نے آئی اے ای اے کے کام پر نمایاں اثرات مرتب کیے ہیں۔ انہوں نے یہ بات بدھ کو ادارے کی تازہ ترین رپورٹ پر بحث کے لیے جمع ہونے والے رکن ممالک کے نمائندوں سے خطاب کرتے ہوئے کہی۔
انٹرنیشنل اٹامک انرجی ایجنسی (آئی اے ای اے) کے سربراہ نے جمعے کو ایک بیان میں خبردار کیا کہ یوکرین کے شہر اینرہوڈر میں بمباری سے جنگ زدہ زیپوریزیا جوہری پاور پلانٹ (زیڈ این پی پی) کو خطرہ لاحق ہے۔
