اقوام متحدہ کے ادارہ برائے منشیات و جرائم (یو این او ڈی سی) نے اپنے ایک تازہ ترین سروے کے نتیجے میں بتایا ہے کہ میانمار میں تین سال سے مسلسل بڑھتی ہوئی افیون کی کاشت میں کوئی کمی واقع نہیں ہوئی۔
انسانی حقوق پر اقوام متحدہ کے ماہرین نے میانمار میں بڑھتے ہوئے تشدد کو روکنے کے لیے عالمی برادری سے اپنی سمت درست کرنے اور لوگوں کی زندگی کو تحفظ دینے کے لیے ٹھوس اقدامات پر زور دیا ہے۔
عالمی فوجداری عدالت (آئی سی سی) کے پراسیکیوٹر نے انسانیت کے خلاف جرائم کے الزام میں میانمار کی فوجی حکومت کے سربراہ کے وارنٹ گرفتاری جاری کرنے کی درخواست کر دی ہے۔
اقوام متحدہ کے ادارہ برائے اطفال (یونیسف) نے کہا ہے کہ میانمار میں انسانی بحران خطرناک حدود کو چھو رہا ہے جہاں بڑھتی ہوئی کشیدگی اور موسمیاتی حوادث کے نتیجے میں بچوں کی زندگی کو سنگین خطرات لاحق ہیں۔
اقوام متحدہ کے سیکرٹری جنرل انتونیو گوتیرش نے کہا ہےکہ میانمار میں قیام امن کے لیے اس کے ہمسایہ ممالک اپنا اثرورسوخ استعمال کریں جہاں طویل کشیدگی کے باعث لاکھوں لوگوں کو شدید انسانی بحران کا سامنا ہے۔
اقوام متحدہ کے دفتر برائے انسانی حقوق (او ایچ سی ایچ آر) نے بتایا ہے کہ میانمار میں انسانی حقوق کی سنگین خلاف ورزی اور نظم و نسق کا بحران جاری ہے جہاں فوجی بغاوت کے بعد اب تک 5,350 شہری ہلاک اور 33 لاکھ بے گھر ہو چکے ہیں۔
اقوام متحدہ کی امدادی ٹیمیں میانمار میں سیلاب سے متاثرہ لوگوں کو ہنگامی امداد پہنچانے میں مصروف ہیں۔ اطلاعات کے مطابق سیلاب نے پانچ لاکھ سے زیادہ آبادی کو متاثر کیا ہے اور وسیع رقبے پر چاول کی فصل تباہ ہونے سے غذائی بحران آنے کا اندیشہ ہے۔
اقوام متحدہ کے ہائی کمشنر برائے انسانی حقوق وولکر ترک نے میانمار میں تیزی سے بگڑتے حالات پر تشویش کا اظہار کیا ہے جہاں حکومتی فوج اور باغی ملیشیاؤں کی لڑائی سے بچنے کے لیے نقل مکانی کرنے والے سیکڑوں لوگوں کے ہلاک ہونے کی اطلاع ہے۔
میانمار کے تین علاقوں میں حکومتی افواج اور اس کی مخالف ملیشیاؤں میں جاری لڑائی شدت اختیار کر گئی ہے جس کے باعث بڑی تعداد میں لوگ نقل مکانی کر رہے ہیں۔
اقوام متحدہ کے امدادی اداروں نے بتایا ہے کہ میانمار میں شدید بارشوں اور سیلاب نے ملک میں جاری لڑائی کے نتیجے میں پیدا ہونے والے سنگین انسانی بحران میں اضافہ کر دیا ہے اور بڑے پیمانے پر لوگ نقل مکانی کر رہے ہیں۔
