میانمار میں روہنگیا پناہ گزینوں کے لیے خوراک کی راشن بندی شروع ہونے پر حقوق سے متعلق اقوام متحدہ کے ایک اعلیٰ سطحی ماہر نے عالمی برادری پر زور دیا ہے کہ وہ آگے بڑھے اور اس پالیسی کو تبدیل کرے جو ان لوگوں کے لیے ''زندگی اور موت'' کا معاملہ ہے۔
اقوام متحدہ کے اداروں نے کہا ہے کہ اگرچہ سکول کے بچوں کی صحت اور غذائیت پر سرمایہ کاری سے ان کے تعلیمی نتائج پر مثبت اثرات مرتب ہوئے ہیں تاہم دنیا بھر میں ایک تہائی سکولوں کو اب بھی پینے کے پانی اور نکاسی آب کی بنیادی سہولتوں تک رسائی نہیں ہے۔
اقوام متحدہ کی نائب سیکرٹری جنرل امینہ محمد اور اٹلی کے نائب وزیراعظم نے اعلان کیا ہے کہ اس سال جولائی میں اٹلی کے دارالحکومت روم میں ہونے والے ایک سہ روزہ اجلاس میں دنیا بھر کے نظام ہائے خوراک میں تبدیلی سے متعلق پیش رفت کا جائزہ لیا جائے گا۔
اقوام متحدہ کے امدادی اداروں نے خبردار کیا ہے کہ جمہوریہ کانگو کو افریقہ کے سب سے بڑے غذائی بحران کا سامنا ہے جہاں خوراک کی طلب بڑھتی جا رہی ہے اور اسے پورا کرنے کے لیے دستیاب مالی وسائل سکڑ رہے ہیں۔
عالمی ادارہ صحت (ڈبلیو ایچ او) نے کہا ہے کہ غذا سے ٹرانس چکنائی کے خاتمے کے لیے حالیہ پیش رفت کے باوجود تقریباً پانچ ارب لوگ اب بھی اس کے نقصان دہ اثرات کے سامنے غیرمحفوظ ہیں جس سے ان میں دل کی بیماری اور موت کا خدشہ بڑھ گیا ہے۔
اقوام متحدہ کے پانچ اداروں نے 15 ممالک میں غذائی قلت کا سامنا کرنے والے بچوں کو تحفظ دینے کے لیے فوری اقدامات کے لیے کہا ہے۔ یہ ممالک خوراک اور غذائیت کے شدید بحران سے متاثرہ ہیں جس کی پہلے کوئی مثال نہیں ملتی۔
دسمبر 2022 مسلسل نوواں مہینہ تھا جب دنیا بھر میں خوراک کی قیمتوں میں کمی دیکھی گئی تاہم بہت سی اشیا کی قیمتوں میں ریکارڈ اضافہ اب بھی برقرار ہے۔
اقوام متحدہ کے ادارہ برائے خوراک و زراعت (ایف اے او) نے اعدادوشمار پر مبنی اپنی تازہ ترین رپورٹ میں بتایا ہے کہ دنیا بھر میں لیے جانے والے حراروں (کیلریز) کی فی کس شرح پورے نو فیصد اضافے کے بعد گزشتہ برس اوسطاً 2,960 روزانہ رہی۔
روسی کمپنیوں کی عطیہ کردہ کھاد کی پہلی کھیپ ہالینڈ سے ملاوی روانہ ہو گئی ہے۔ یہ کھاد ایسے ممالک کو مہیا کی جا رہی ہے جو بڑھتے ہوئے عالمگیر غذائی عدم تحفظ سے بری طرح متاثر ہوئے ہیں۔ یہ بات اقوام متحدہ کے ترجمان نے منگل کو ایک بیان میں بتائی۔
اقوام متحدہ کی ایک اعلیٰ عہدیدار نے بتایا ہے کہ یورپ کی بندرگاہوں میں پھنسی روس کی لاکھوں ٹن کھاد کی ممکنہ تقسیم کے معاملے میں ''کامیابی'' حاصل ہوئی ہے۔ آئندہ سال غذائی عدم تحفظ کے عالمگیر بحران سے بچنے کے لیے اس کھاد کی ترسیل ضروری ہے۔
