اقوام متحدہ کی جنرل اسمبلی نے بھاری اکثریت کے ساتھ امریکہ کی جانب سے کیوبا پر عائد اقتصادی، تجارتی اور مالیاتی پابندیوں کے خاتمے کا مطالبہ کیا ہے۔ 187 ممالک نے اس قرارداد کے حق میں ووٹ دیا، جبکہ امریکہ اور اسرائیل نے اس کی مخالفت کی اور مالدووا نے رائے شماری میں حصہ نہیں لیا۔
برطانیہ نے اعلان کیا ہے کہ بحر ہند میں جزائر چاگوس کو موریشس کے حوالے کرنے کا معاہدہ طے پا گیا ہے۔ اس طرح افریقہ میں برطانیہ کی آخری نوآبادی کی ملکیت پر تنازع اور اسے حل کرنے کے لیے جاری بات چیت اختتام کو پہنچ گئے ہیں۔
اقوام متحدہ کی جنرل اسمبلی کے صدر فائلیمن یانگ نے کہا ہے کہ عالمی برادری متحد ہو کر ہی دور حاضر کے پیچیدہ اور حوصلہ شکن مسائل پر قابو پا سکتی ہے جبکہ مذاکرات، دوسروں کی بات سننے اور اجتماعی عمل میں ہی انسانیت کا فائدہ ہے۔
متحدہ عرب امارات کے وزیر مملکت برائے خارجہ امور شیخ شخبوط نہیان النہیان نے عالمی مسائل پر قابو پانے کے لیے کثیرفریقی نظام کو مضبوط اور دور حاضر کے تقاضوں سے ہم آہنگ کرنے کی ضرورت پر زور دیا ہے۔
شام کے وزیر خارجہ بسام سباغ نے خبردار کیا ہے کہ اسرائیل کی بڑے پیمانے پر بلاروک و ٹوک جارحیت سے مشرق وسطیٰ خطرناک کشیدگی کا شکار ہو رہا ہے جس کے پوری دنیا میں امن و سلامتی کے لیے ناقابل تصور نتائج برآمد ہوں گے۔
سعودی عرب کے وزیر خارجہ فیصل بن فرحان السعود نے کہا ہے کہ دنیا میں بحران بڑھتے جا رہے ہیں اور عالمی برادری ان کے ٹھوس حل نکالنے کے بجائے خاموش تماشائی بنی ہے۔
انڈیا کے وزیر خارجہ سبرامنیم جے شنکر نے کہا ہے کہ جنگوں، تقسیم، غیرمنصفانہ تجارت، موسمیاتی تبدیلی اور غذائی و طبی عدم تحفظ جیسے سنگین مسائل کا شکار دنیا میں بہتری لانے کے لیے تمام ممالک کو اقوام متحدہ میں سنجیدہ اور بامقصد کردار ادا کرنا ہو گا۔
روس کے وزیر خارجہ سرگئی لاؤرو نے کہا ہے کہ ان کے ملک کے پاس جوہری ہتھیاروں کی موجودگی کے باعث یوکرین اسے میدان جنگ میں شکست دینے کی امید نہ رکھے اور نیٹو کی جانب سے یوکرین کو عسکری مدد کی فراہمی جاری رکھنا خودکشی کے مترادف ہو گا۔
چین کے وزیر خارجہ وانگ یی نے کہا ہے کہ ان کا ملک غیرمستحکم حالات سے فائدہ اٹھانے کے بجائے قیام امن کے لیے ثالثی اور دنیا بھر میں تعمیری کردار ادا کرنے کا عزم رکھتا ہے۔
بنگلہ دیش کی عبوری حکومت کے سربراہ (مشیر اعلیٰ) محمد یونس نے عالمی رہنماؤں پر زور دیا ہے کہ وہ پائیدار ترقی اور دنیا کو مزید منصفانہ بنانے کے لیے اپنے ممالک میں نوجوان نسل پر سرمایہ کاری کریں۔
