قیام امن اور سیاسی امور پر اقوام متحدہ کے اسسٹنٹ سیکرٹری جنرل میروسلاو جینکا نے خبردار کیا ہے کہ حالیہ دنوں یوکرین کی جنگ میں مزید شدت کے تشویشناک آثار دکھائی دے رہے ہیں اور ملک پر روس کے حملے کو بند کرانے کے لیے موثر کوششوں کی ضرورت ہے۔
اقوام متحدہ کے تعلیمی، سائنسی و ثقافتی ادارے یونیسکو کے ایک تازہ سروے کے مطابق دنیا بھر کے 62 فیصد ڈیجیٹل تخلیق کار انٹرنیٹ پر معلومات شیئر کرنے سے پہلے ان کی تصدیق نہیں کرتے۔
اقوام متحدہ نے بتایا ہے کہ افغانستان میں افیون کی پیداوار میں کمی کا رحجان برقرار ہے تاہم کاشت کاروں کو متبادل زرعی مواقع مہیا نہ کیے گئے تو یہ کامیابی خطرے میں پڑ جائے گی۔
عالمی فوجداری عدالت (آئی سی سی) کے پراسیکیوٹر نے انسانیت کے خلاف جرائم کے الزام میں میانمار کی فوجی حکومت کے سربراہ کے وارنٹ گرفتاری جاری کرنے کی درخواست کر دی ہے۔
اسرائیل کے ساتھ جنگ بندی کا معاہدہ طے پانے کے بعد لبنان کے سرحدی علاقوں میں لوگوں کی واپسی شروع ہو گئی ہے۔ اقوام متحدہ کے امدادی اداروں نے جنگ کے باعث بے گھر ہونے والوں کو مدد کی فراہمی کا عزم کیا ہے۔
اقوام متحدہ کے سیکرٹری جنرل انتونیو گوتیرش نے اسرائیل اور لبنان کے مابین جنگ بندی معاہدے کا خیرمقدم کرتے ہوئے امید ظاہر کی ہے کہ اس سے فریقین کو تشدد، تباہی اور دونوں ممالک میں لوگوں کی تکالیف کا خاتمہ کرنے میں مدد ملے گی۔
'تہذیبوں کے اتحاد' کے 10ویں عالمی فورم میں دنیا بھر کے رہنماؤں نے امن کا عہد نامہ منظور کیا ہے جس میں اظہار نفرت اور غلط اطلاعات کا پھیلاؤ روکنے، مصنوعی ذہانت کو امن و آشتی کے لیے کام میں لانے اور مذاہب و معاشروں میں ہم آہنگی کو فروغ دینے کی بات کی گئی ہے۔
یکم دسمبر کو ایڈز کے عالمی دن کی مناسبت سے اقوام متحدہ کے مشترکہ پروگرام برائے ایچ آئی وی و ایڈز ( یو این ایڈز) کی ایک تازہ رپورٹ بعنوان "ایڈز کے خاتمے کے لئے انسانی حقوق کا راستہ اختیار کریں" میں انسانی حقوق کی ایڈز کے خاتمے کی جدوجہد میں مرکزی اہمیت کو اجاگر کیا گیا ہے۔
اقوام متحدہ کے انسانی حقوق کے دفتر اور افغانستان میں اقوام متحدہ کے معاون مشن(یونیما) کی جانب سے جاری کی گئی ایک مشترکہ رپورٹ میں افغانستان میں طالبان کے اقتدار کے بعد میڈیا کی آزادی کی سنگین صورتحال پر تشویش کا اظہار کیا گیا ہے۔
اقوام متحدہ کی نائب سیکرٹری جنرل امینہ محمد نے غزہ میں بگڑتے انسانی بحران کو ہولناک اور بلاجواز قرار دیتے ہوئے علاقے میں بلاتاخیر جنگ بندی اور تمام یرغمالیوں کی فوری و غیرمشروط رہائی کا مطالبہ کیا ہے۔
