عالمی ادارہ صحت (ڈبلیو ایچ او) نے بتایا ہے کہ شمالی غزہ میں کسی حد تک فعال آخری ہسپتال پر رات گئے اسرائیلی فوج کے حملوں میں طبی عملے کے چار ارکان سمیت متعدد افراد ہلاک و زخمی ہو گئے ہیں۔ حملے سے قبل عملے اور مریضوں کو انخلا کے احکامات نہیں دیے گئے تھے۔
اقوام متحدہ کے دفتر برائے انسانی حقوق (او ایچ سی ایچ آر) نے اسرائیل پر زور دیا ہے کہ وہ غزہ میں فلسطینیوں کو اپنے گھروں میں واپسی کی اجازت دے اور بے گھر لوگوں سمیت تمام شہریوں کا تحفظ یقینی بنائے۔
اقوام متحدہ کے ادارہ برائے اطفال (یونیسف) نے افغانستان، پاکستان اور بنگلہ دیش سمیت جنوبی ایشیا میں بچوں کی زندگی کو تحفظ دینے کے لیے 1.6 ارب ڈالر کے امدادی وسائل فراہم کرنے کی اپیل کی ہے۔
شام میں حکومت کے زیرانتظام علاقوں پر دہشتگرد تنظیم حیات تحریر الشام (ایچ ٹی ایس) اور دیگر مسلح دھڑوں کے بڑے پیمانے پر حملوں کے بعد ملک کے شمال مغربی علاقے میں 280,000 سے زیادہ لوگ نقل مکانی پر مجبور ہو گئے ہیں۔
جنسی و تولیدی صحت کے لیے اقوام متحدہ کے ادارے (یو این ایف پی اے) نے آئندہ برس بحرانوں کا شکار 57 ممالک میں خواتین اور لڑکیوں کے حقوق اور بہبود کو تحفظ دینے کے لیے 1.4 ارب ڈالر کے امدادی وسائل کی اپیل کی ہے۔
رواں سال بین الاقوامی تجارت کا حجم ریکارڈ 33 ٹریلین ڈالر رہے گا جبکہ آئندہ برس تجارتی مخاصمت، ارضی سیاسی تناؤ اور تبدیل ہوتی پالیسیوں کے باعث دنیا کا ممکنہ معاشی منظرنامہ زیادہ بہتر دکھائی نہیں دیتا۔
افغانستان کے طبی تعلیمی اداروں میں خواتین کے تعلیم حاصل کرنے پر پابندی عائد ہونے کے فیصلے کو اقوامِ متحدہ کے انسانی حقوق کے دفتر نے خواتین اور لڑکیوں کے حقوق پر حملہ قرار دیا ہے۔
اقوام متحدہ نے نجی شعبے پر زور دیا ہے کہ وہ کاروباری اور مالیاتی حکمت عملی میں پائیدار ارضی انتظام یقینی بنائے کیونکہ زمینی بنجر پن کے باعث 2050 تک دنیا کو 23 ٹریلین ڈالر کے نقصان کا خطرہ ہے جسے صرف 4.6 ٹریلین ڈالر خرچ کر کے روکا جا سکتا ہے۔
عالمی ادارہ صحت (ڈبلیو ایچ او) نے تپ دق (ٹی بی) کے لیے ایک نئے ٹیسٹ کی منظوری دے دی ہے جس سے اس بڑی متعدی بیماری کا دنیا بھر میں خاتمہ کرنے کی کوششوں میں مدد ملے گی۔
اقوام متحدہ کے سیکرٹری جنرل انتونیو گوتیرش نے شام میں لڑائی بند کرنے کی اپیل کی ہے جہاں 13 سال سے جاری خانہ جنگی میں حالیہ کشیدگی کے باعث مزید شدت آنے کا خطرہ ہے۔
