بشار الاسد کی حکومت کے خاتمے کے بعد شام غیر یقینی پر مبنی ایک نئے دور میں داخل ہو چکا ہے۔ اقوامِ متحدہ کا ایک اہم کردار یہ ہوگا کہ منظم انتقالِ اقتدار کے ذریعے مستحکم اداروں کی تشکیل یقینی بنائے اور 2011 میں شروع ہونے والی خانہ جنگی کے مختلف گروہوں اور دھڑوں کو قریب لانے کی کوششوں کو جاری رکھے۔
اقوام متحدہ کے سیکرٹری جنرل انتونیو گوتیرش نے کہا ہے کہ اقوام متحدہ شام میں ایسے مشمولہ سیاسی عمل کے ذریعے اقتدار کی پرامن اور ہموار منتقلی میں مدد دینے کا عزم رکھتا ہے جس میں اقلیتوں کے حقوق کا مکمل احترام کیے جانے کی ضمانت دی جائے۔
اقوام متحدہ کی جنرل اسمبلی نے غزہ میں جنگ بندی، یرغمالیوں کی رہائی اور فلسطینی پناہ گزینوں کے لیے امدادی ادارے (انروا) کو تحفظ دینے اور اسرائیل سے اس کے خلاف پابندی ختم کرنے کے مطالبے پر مبنی قراردادوں کی بھاری اکثریت سے منظوری دے دی ہے۔
یمن کے لیے اقوام متحدہ کے خصوصی نمائندے ہینز گرنڈبرگ نے کہا ہے کہ ملک میں امن کا قیام اب بھی ممکن ہے جس کے لیے عالمی برادری کی جانب سے متواتر تعاون درکار ہو گا۔
انسانی حقوق پر اقوام متحدہ کے چار غیرجانبدار اطلاع کاروں نےعالمی برادری سے کہا ہے کہ وہ مقبوضہ فلسطینی علاقے میں اسرائیل کی جنگی کارروائیوں پر اس کے خلاف پابندیاں عائد کرے اور عالمی نظام انصاف پر اعتماد کی بحالی کو یقینی بنائے۔
اقوام متحدہ کے سیکرٹری جنرل انتونیو گوتیرش نے ہنگامی حالات کے لیے ادارے کے مرکزی فنڈ (سی ای آر ایف) کے لیے مالی وسائل کی فراہمی بڑھانے پر زور دیتے ہوئے کہا ہے کہ ان عطیات سے دنیا بھر میں زندگیوں کو تحفظ دینے میں مدد ملے گی۔
غربت، جنگوں اور موسمیاتی تبدیلی سے پیدا ہونے والے مسائل کے باعث دنیا میں انسانی سمگلنگ کے متاثرین کی تعداد میں ایک مرتبہ پھر اضافہ ہونے لگا ہے جو کووڈ۔19 وبا کے دوران کم ہو گئی تھی۔
آج انسانی حقوق کا عالمی دن منایا جا رہا ہے جو دنیا بھر میں تمام لوگوں کے لیے مساوات، انصاف اور وقار کی اہمیت یاد دلانے کا موقع ہے۔
قدیمی مقامی لوگوں کے لیے برازیل کی پہلی وزیر، رومانیہ میں قدرتی ماحول کے بہادر محافظ اور چین کے ماحولیاتی سائنسدان سمیت پانچ افراد اور ایک اقدام رواں سال اقوام متحدہ کے سب سے بڑے ماحولیاتی اعزاز 'چیمپئنز آف ارتھ' کے حق دار قرار پائے ہیں۔
شام کے لیے اقوام متحدہ کے خصوصی نمائندے جیئر پیڈرسن نے کہا ہے کہ ملک اس وقت ایسے دوراہے پر کھڑا ہے جہاں پرامید لوگوں کو کئی طرح کے خدشات بھی لاحق ہیں جن پر قابو پانے کے لیے پرامن انتقال اقتدار کو یقینی بنانا ہو گا۔
