تازہ خبریں

عالمی فوجداری عدالت (آئی سی سی) نے انسانیت کے خلاف اور جنگی جرائم پر اسرائیل کے وزیراعظم بینجمن نیتن یاہو، سابق وزیر دفاع یوآو گیلنٹ اور حماس کے رہنما محمد دیاب ابراہیم المصری کی گرفتاری کے وارنٹ جاری کر دیے ہیں۔

امدادی امور کے لیے اقوام متحدہ کے رابطہ دفتر (اوچا) نے خبردار کیا ہے کہ غزہ میں آٹے اور ایندھن کی قلت کے باعث تنور بند ہو رہے ہیں جن پر لاکھوں بھوکے فلسطینیوں کی زندگی کا دارومدار ہے۔

اقوام متحدہ کے ادارہ برائے اطفال (یونیسف) نے کہا ہے کہ موسمیاتی حوادث، آبادیاتی تبدیلی اور ٹیکنالوجی سے متعلق عدم مساوات کے باعث بچوں کے مستقبل کو سنگین خطرات لاحق ہیں۔

اقوام متحدہ کی عالمی موسمیاتی کانفرنس (کاپ 29) میں موسمیاتی تبدیلی کے اثرات سے نمٹنے کے لیے مالی وسائل میں اضافے کے معاملے پر بات چیت حتمی مراحل میں داخل ہو گئی ہے جس میں شہر کاری، نقل و حمل اور سیاحت سے متعلقہ امور بطور خاص زیر بحث ہیں۔

اقوام متحدہ کے تعلیمی، سائنسی و ثقافتی ادارے (یونیسکو) اور برازیل کی حکومت نے موسمیاتی تبدیلی کے حوالے سے غلط اور گمراہ کن اطلاعات کا پھیلاؤ روکنے کا عالمگیر اقدام شروع کیا ہے جس سے اس مسئلے پر اطلاعاتی دیانت یقینی بنانے میں مدد ملے گی۔

غزہ میں فوری، غیرمشروط اور مستقل جنگ بندی کے لیے اقوام متحدہ کی سلامتی کونسل میں 10 غیرمستقل ارکان کی جانب سے پیش کی جانے والی قرارداد امریکہ نے ویٹو کر دی ہے۔

یوکرین میں اقوام متحدہ کے نمائندے اور امدادی رابطہ کار میتھائس شمالے نے عالمی برادری پر زور دیا ہے کہ وہ یوکرین کا ساتھ دے جہاں 1,000 یوم سے جاری روس کے حملوں میں ہزاروں شہری ہلاک و زخمی ہو گئے ہیں۔

موسمیاتی اقدامات کے لیے اعلیٰ سطحی سفارتی کوششوں کا رخ منگل کو برازیل میں جی 20 رہنماؤں کی کانفرنس کی جانب منتقل ہوا جہاں سے آذربائیجان میں 'کاپ 29' کے مذاکرات کاروں کو واضح پیغام گیا ہے کہ موسمیاتی وسائل کا حجم فوری طور پر اربوں سے کھربوں ڈالر تک بڑھانا ہو گا۔

برازیل میں جی 20 ممالک کے رہنماؤں نے کاپ 29 میں شریک مذاکرات کاروں کو واضح پیغام دیا ہے کہ وہ موسمیاتی اقدامات کے لیے نیا مالیاتی ہدف طے کیے بغیر واپس نہ آئیں۔