تازہ خبریں

تشدد اور دیگر ظالمانہ، غیرانسانی یا توہین آمیز سلوک یا سزا پر اقوام متحدہ کی خصوصی اطلاع کار ایلس جل ایڈورڈز نے وکی لیکس کے بانی جولین اسانج کی برطانیہ میں قید سے رہائی کا خیرمقدم کیا ہے۔

نو مہینے سے جنگ کا شکار غزہ میں قحط کا خطرہ برقرار ہے اور غذائی تحفظ کے ماہرین نے خبردار کیا ہے کہ علاقے میں 20 فیصد سے زیادہ گھرانوں کو اکثر دن بھر کوئی خوراک میسر نہیں آتی۔

عالمی ادارہ صحت (ڈبلیو ایچ او) کی رپورٹ میں بتایا گیا ہے کہ دنیا میں غیرسیرشدہ چکنائی والی خوراک کے استعمال میں کمی آ رہی ہے اور گزشتہ سال 53 ممالک نے اس خوراک کے استعمال میں کمی لانے کی موثر پالیسیاں بنا لی تھیں۔

حقِ تعلیم پر اقوام متحدہ کی خصوصی اطلاع کار فریدہ شہید نےکہا ہے کہ دنیا کے ہر خطے میں تعلیمی آزادی کو جبر کا سامنا ہے۔ رائے عامہ کو قابو میں لانے کے لیے عائد کردہ پابندیوں سے آزاد سوچ کو نقصان پہنچتا ہے اور تعلیمی و سائنسی آزادی محدود ہو جاتی ہے۔

اقوام متحدہ کے سیکرٹری جنرل انتونیو گوتیرش نے کہا ہے کہ دنیا کو انسانی حقوق مضبوطی سے برقرار رکھتے ہوئے آن لائن نفرت اور جھوٹ کے پھیلاؤ سے ہونے والے نقصان پر قابو پانا ہو گا۔

فلسطینی پناہ گزینوں کے لیے اقوام متحدہ کے امدادی ادارے (انرا) کے کمشنر جنرل فلپ لازارینی نے کہا ہے فلسطینیوں کو غربت، نفرت، انتقام اور جنگ کا سامنا ہے۔ اگر بلاتاخیر امدادی وسائل مہیا نہ کیے گئے تو ان کی پوری نسل کا مستقبل تباہ ہو جائے گا۔

فلپائن میں قانون نافذ کرنے والے افسر اقوام متحدہ کے غیررسمی تعاون سے اس جذباتی تناؤ پر قابو پا رہے ہیں جو انہیں بچوں کا آن لائن استحصال کرنے والوں کا پیچھا کرنے سے لاحق ہوتا ہے۔

اقوام متحدہ کے سیکرٹری جنرل انتونیو گوتیرش نے کہا ہے کہ یوگا لوگوں اور معاشروں کو جسمانی و ذہنی طور پر متحرک اور فعال بنانے میں اہم کردار ادا کرتا ہے اسی لیے سبھی کو اس کی لازوال اقدار اور پرامن و ہم آہنگ مستقبل کی پکار سے تحریک لینی چاہیے۔

پناہ گزینوں کے لیے اقوام متحدہ کے ادارے (یو این ایچ سی آر) نے بتایا ہے کہ جنوبی بنگلہ دیش میں مون سون کی شدید بارشوں کے نتیجے میں پناہ گاہیں تباہ ہونے کے باعث ہزاروں روہنگیا بے گھر ہو گئے ہیں جنہیں فوری مدد کی ضرورت ہے۔