اقوام متحدہ کے ہائی کمشنر برائے انسانی حقوق وولکر ترک نے میانمار میں فوج اور حزب مخالف کے مابین بڑھتی ہوئی لڑائی پر تشویش کا اظہار کیا ہے جس میں سرکاری فوج کی جانب سے مسلم اقلیتی روہنگیا برادری کو جبری طور پر بھرتی کیے جانے کی اطلاعات ہیں۔
اقوام متحدہ کے ماہرین نے ملائشیا میں بنگلہ دیشی تارکین وطن کو درپیش حالات پر مایوسی کا اظہار کرتے ہوئے انہیں استحصال اور مجرمانہ کارروائیوں سے تحفظ دینے کا مطالبہ کیا ہے۔
اقوام متحدہ کے فنڈ برائے آبادی (یو این ایف پی اے) نے کہا ہے کہ غزہ کے طبی مراکز میں ہونے والی تباہی اور بڑے پیمانے پر غذائی و آبی قلت کے باعث حاملہ اور دودھ پلانے والی خواتین کی زندگی کو سنگین خطرات لاحق ہیں۔
ایران میں جوہری تنصیبات کے قریب اسرائیل کے مبینہ حملوں کی اطلاعات کے بعد اقوام متحدہ کے سیکرٹری جنرل انتونیو گوتیرش نے فریقین سے انتقامی کارروائیوں کا خطرناک سلسلہ روکنے کی اپیل کو دہرایا ہے۔
پندرہ رکنی سلامتی کونسل میں ریاست فلسطین کی اقوام متحدہ میں رکنیت کی قرارداد کے حق میں بارہ ووٹ پڑے جبکہ دو ارکان برطانیہ اور سوئٹزرلینڈ نے رائے شماری میں حصہ نہیں لیا۔ امریکی ویٹو کے بعد اقوام متحدہ میں فلسطین کی باقاعدہ رکنیت کی قرارداد اب جنرل اسمبلی میں رائے شماری کے لیے پیش نہیں کی جا سکے گی۔
انسانی حقوق پر اقوام متحدہ کے غیرجانبدار ماہرین نے غزہ کی پٹی میں فلسطین کے تعلیمی نظام کی 'منظم تباہی' پر تشویش کا اظہار کیا ہے جہاں اسرائیل کے حملے بدستور جاری ہیں۔
سلامتی کونسل اقوام متحدہ کی مکمل رکنیت کے لیے فلسطین کی درخواست پر غور کر رہی ہے جبکہ غزہ میں جاری جنگ کو ساتواں مہینہ شروع ہو گیا ہے۔ زیرنظر سطور میں جانیے کہ اقوام متحدہ میں فلسطین کا مقام کیا ہے اور وہ یہ رکنیت کیسے حاصل کر سکتا ہے؟
اقوام متحدہ کے سیکرٹری جنرل انتونیو گوتیرش نے سلامتی کونسل کو بتایا ہے کہ مشرق وسطیٰ میں حالیہ کشیدگی کے باعث اسرائیل اور ایک مکمل آزاد، قابل عمل اور خودمختار فلسطینی ریاست کے مابین پائیدار امن کے قیام کی اہمیت پہلے سے کہیں بڑھ گئی ہے۔
اقوام متحدہ کے طبی ماہرین نے دنیا بھر میں انسانوں سمیت ممالیہ میں برڈ فلو کے پھیلاؤ کو صحت عامہ کے لیے نمایاں خطرہ قرار دیتے ہوئے چھوت کی اس بیماری پر قابو پانے کے نئے اقدامات کا اعلان کیا ہے۔
اقوام متحدہ کے ترقیاتی پروگرام (یو این ڈی پی) نے بتایا ہے کہ مہیب مسائل کے باوجود افغانستان میں خواتین کے زیرقیادت چلنے والے کاروبار مضبوط ثابت ہوئے ہیں جن سے معاشی استحکام اور بہتر مستقبل کی امید پیدا ہو رہی ہے۔
