روس کے وزیر خارجہ سرگئی لاؤرو نے کہا ہے کہ ان کے ملک کے پاس جوہری ہتھیاروں کی موجودگی کے باعث یوکرین اسے میدان جنگ میں شکست دینے کی امید نہ رکھے اور نیٹو کی جانب سے یوکرین کو عسکری مدد کی فراہمی جاری رکھنا خودکشی کے مترادف ہو گا۔
چین کے وزیر خارجہ وانگ یی نے کہا ہے کہ ان کا ملک غیرمستحکم حالات سے فائدہ اٹھانے کے بجائے قیام امن کے لیے ثالثی اور دنیا بھر میں تعمیری کردار ادا کرنے کا عزم رکھتا ہے۔
بنگلہ دیش کی عبوری حکومت کے سربراہ (مشیر اعلیٰ) محمد یونس نے عالمی رہنماؤں پر زور دیا ہے کہ وہ پائیدار ترقی اور دنیا کو مزید منصفانہ بنانے کے لیے اپنے ممالک میں نوجوان نسل پر سرمایہ کاری کریں۔
پاکستان کے وزیراعظم محمد شہباز شریف نے کہا ہے کہ دہشت گردی سے لے کر موسمیاتی تبدیلی تک بہت سے مسائل میں جکڑی دنیا دوبارہ سرد جنگ کی لپیٹ میں جاتی دکھائی دے رہی ہے۔
اسرائیل کے وزیراعظم بینجمن نیتن یاہو نے کہا ہے کہ اسرائیل کے دشمن اس کا اور انسانیت کی مشترکہ تہذیب کا خاتمہ کر کے جبر و دہشت کا راج چاہتے ہیں جبکہ ان کا ملک اپنے دفاع کی جنگ لڑتا رہے گا۔
لبنان کے وزیر خارجہ نے عبداللہ بو حبیب نے اقوام متحدہ کی جنرل اسمبلی کے مباحثے میں خطاب کرتے ہوئے کہا ہے کہ ان کے ملک میں جاری بحران فوری بین الاقوامی اقدامات کا تقاضا کرتا ہے اور اسرائیل کے حملوں سے پورے مشرق وسطیٰ میں لامتناہی جنگ شروع ہو سکتی ہے۔
برطانیہ کے وزیراعظم کیئر سٹارمر نے کہا ہے کہ غزہ سے یوکرین تک اور دیگر دنیا میں بیشتر امدادی ضروریات نے جنگوں سے جنم لیا ہے۔ اب وقت آ گیا ہے کہ عالمی برادری امن، ترقی اور مساوات کی جانب پیش رفت کرے۔
نیپال کے وزیراعظم کے پی شرما اولی نے کہا ہے کہ دنیا ایک تاریخی موڑ پر کھڑی ہے جہاں امیر اور غریب، ہم آہنگی اور نفرت اور معاشی ترقی و ماحولیاتی تباہی کے تضادات پہلے سے کہیں زیادہ نمایاں ہو گئے ہیں۔
فلسطین کے صدر محمود عباس نے کہا ہے کہ اسرائیل غزہ میں بڑے پیمانے پر نسل کشی کا ارتکاب کر رہا ہے۔ عالمی برادری اس کے خلاف پابندیاں عائد کرے اور اس سے اقوام متحدہ کی رکنیت واپس لی جائے۔
جراثیم کش ادویات کے خلاف مزاحمت (اے ایم آر) سالانہ 13 لاکھ اموات کا سبب بنتی ہے اور 50 لاکھ دیگر اموات میں بھی اس کا کردار ہوتا ہے۔ صحت و صفائی برقرار رکھنے، ویکسین لگوانے اور ادویات کے بہت زیادہ یا غلط استعمال سے پرہیز کرتے ہوئے اس خطرے کو دور رکھا جا سکتا ہے۔
