عالمی ادارہ صحت (ڈبلیو ایچ او) شمالی غزہ میں جاری بمباری کے باعث وہاں امدادی طبی سازوسامان تقسیم نہیں کر سکا۔ ادارے نے بڑے ہسپتالوں کو مدد پہنچانے کے لیے فوری جنگ بندی اور محفوظ راستے کی ضمانت مہیا کرنے کو کہا ہے۔
افغانستان میں اقوام متحدہ کے پروگرام برائے خوراک (ڈبلیو ایف پی) نے یورپی یونین کی جانب سے ملک کے لیے 21.6 ملین ڈالر کی انسانی امداد کا خیرمقدم کیا ہے جس سے غیرمحفوظ اور غذائی قلت کا شکار 21 ملین لوگوں کی زندگیوں محفوظ بنائی جا سکیں گی۔
اقوام متحدہ کے سیکرٹری جنرل انتونیو گوتیرش نے کہا ہے کہ 2030 تک بھوک کے خاتمے کے ہدف کی جانب پیش رفت تنزلی کا شکار ہے جس پر قابو پانے کے لیے خوراک کے بنیادی انسانی حق کی یقینی فراہمی پر سرمایہ کاری کرنا ہو گی۔
غزہ پر اسرائیلی بمباری میں ہلاک ہونے والوں کی تعداد 5,087 ہو گئی ہے جبکہ 1,000 سے زیادہ لوگ لاپتہ ہیں۔ مصر سے تیسرا امدادی قافلہ غزہ پہنچ گیا ہے جبکہ امدادی ادارے جنگ بندی اور مزید مدد بھیجنے کا مطالبہ کر رہے ہیں۔
اقوام متحدہ کے ماہرین نے اسرائیلی فوج کے تمام قانونی مشیروں پر زور دیا ہے کہ وہ حماس کے حملوں کے جواب میں ایسے اقدامات کی مخالفت کریں جو جنگی جرائم کے مترادف ہو سکتے ہیں۔
فلسطینی پناہ گزینوں کے لیے اقوام متحدہ کے ادارے 'انرا' نے خبردار کیا ہے کہ اس کے پاس امدادی مقاصد کے لیے صرف تین روز کی ضروریات کا ایندھن باقی ہے جبکہ علاقے میں بمباری سے ہلاک ہونے والے اس کے اہلکاروں کی تعداد 29 تک جا پہنچی ہے۔
اقوام متحدہ کے اداروں نے کہا ہے کہ غزہ کے حالات تباہ کن صورت اختیار کر گئے ہیں اور علاقے میں انسانی بنیادوں پر جنگ بندی، زندگی کو تحفظ دینے اور لوگوں کی مزید تکالیف کو روکنے کی ضرورت ہے۔
اگرچہ جنگ سے متاثرہ شہری آبادیوں میں خدمات انجام دینے والے امدادی کارکن قوانین کے ایک مجموعے پر عمل کرتے ہوئے عام لوگوں کو تحفظ دیتے ہیں، تاہم متحارب فریقین ہسپتالوں اور سکولوں پر حملوں سے لے کر ان کارکنوں کو شہریوں تک امدادی اشیا اور خدمات پہنچانے سے روک کر ان قوانین کو پامال بھی کرتے ہیں۔
فلسطینی پناہ گزینوں کے لیے اقوام متحدہ کے ادارے 'انرا' کے مطابق مغربی کنارے کے نور شمس مہاجر کیمپ میں اسرائیلی فوج کی کارروائی میں پانچ بچوں سمیت کم از کم 13 فلسطینی ہلاک ہو گئے ہیں۔
فلسطینی پناہ گزینوں کے لیے اقوام متحدہ کے امدادی ادارے 'انرا' کے کمشنر جنرل فلپ لازارینی نے اسرائیل۔غزہ تنازع کے فریقین سے کہا ہے کہ وہ اجتماعی انسانیت کو مدنظر رکھتے ہوئے شہریوں، امدادی مراکز اور ان کے عملے کو نشانہ بنانے سے گریز کریں۔
