غزہ میں ہزاروں مایوس لوگ اقوام متحدہ کے گوداموں اور امداد کی تقسیم کے مراکز پر دھاوا بول کر آٹا، صحت و صفائی کاسامان اور بنیادی ضرورت کی اشیا لے گئے ہیں جبکہ امدادی اداروں نے خبردار کیا ہے کہ علاقے میں نظم و نسق ختم ہو رہا ہے۔
غزہ کو درکار انتہائی ضروری امداد کی فراہمی کا آغاز ہوتے ہی حقائق پر جنگ بھی شروع ہو گئی ہے اور علاقے کی صورت حال کے بارے میں سوشل میڈیا پر متضاد بیانیوں کا زوروشور سے پھیلاؤ جاری ہے۔
اقوام متحدہ کے اداروں اور حکام نے غزہ میں امداد کی فراہمی کے لیے جنگ بندی کے مطالبات کو دہرایا ہے جبکہ رات بھر شدید بمباری اور زمینی حملے کے نتیجے میں ہسپتالوں اور طبی مراکز میں بجلی منقطع ہو گئی ہے اور لوگوں کا بیرونی دنیا سے رابطہ عملاً ختم ہو گیا ہے۔
اقوام متحدہ کے سیکرٹری جنرل انتونیو گوتیرش نے غزہ میں میں بڑے پیمانے پر انسانی امداد مہیا کرنے کی اپیل کی ہے جہاں طبی نظام تباہی کے دھانے پر ہے اور زیرمحاصرہ لوگوں کی تکالیف میں ہر لمحے اضافہ ہو رہا ہے۔
اقوام متحدہ کے اعلیٰ سطحی امدادی حکام نے اسرائیل۔فلسطین بحران کا خاتمہ کرنے اور تمام یرغمالیوں کی فوری رہائی کے لیے نئی اپیل جاری کی ہے جبکہ غزہ میں شہریوں کی ہلاکتیں متواتر بڑھ رہی ہیں۔
اردن کی طرف سے پیش کی گئی قرارداد میں غزہ میں انسانی امدادی کارروائیوں کی بحالی کے لیے اسرائیلی افواج اور حماس کے درمیان فوری اور پائیدار جنگ بندی کا مطالبہ کیا گیا تھا۔
اقوام متحدہ کے دفتر برائے انسانی حقوق (او ایچ سی ایچ آر) نے پاکستان میں غیرقانونی طور پر مقیم غیرملکیوں کو واپس بھیجے جانے کے فیصلے پر تشویش کا اظہار کرتے ہوئے کہا ہے کہ اس سے ملک میں 14 لاکھ افغان پناہ گزین غیرمتناسب طور سے متاثر ہوں گے۔
مصنوعی ذہانت سے لاحق خدشات، اس سے حاصل ہونے والے مواقع اور اس کے عالمگیر انتظام کا جائزہ لینے کے لیے اقوام متحدہ کے زیراہتمام ایک مشاورتی تنظیم کا قیام عمل میں لایا گیا ہے۔
اسرائیل۔فلسطین بحران پر اقوام متحدہ کی جنرل اسمبلی کا دو روزہ ہنگامی خصوصی اجلاس جمعرات کو شروع ہوا جس سے خطاب کرتے ہوئے متعدد ممالک کے نمائندوں نے غزہ میں فوری جنگ بندی اور علاقے میں امدادی راہداریاں قائم کرنے پر زور دیا۔
غزہ کا تنازع 19ویں روز میں داخل ہو گیا ہے جہاں ایندھن، پانی اور طبی سازوسامان کی قلت کے باعث ہسپتال بند ہو رہے ہیں۔ اسرائیلی فوج نے شمالی غزہ پر زمینی حملے سےقبل ایک مرتبہ پھر لوگوں کو انخلا کے لیےکہا ہے جنہیں اب کہیں بھی پناہ میسر نہیں رہی۔
