تازہ خبریں

اسرائیل۔فلسطین بحران پر اقوام متحدہ کی جنرل اسمبلی کا دو روزہ ہنگامی خصوصی اجلاس جمعرات کو شروع ہوا جس سے خطاب کرتے ہوئے متعدد ممالک کے نمائندوں نے غزہ میں فوری جنگ بندی اور علاقے میں امدادی راہداریاں قائم کرنے پر زور دیا۔

اقوام متحدہ کے سربراہ نے اسرائیلی سفیر کے اس دعوے کو 'جھوٹا' قرار دیتے ہوئے اس کی سخت مذمت کی ہے جس میں انہوں نے الزام عائد کیا تھا کہ سیکرٹری جنرل نے سلامتی کونسل سے خطاب میں اسرائیل پر حماس کے حملوں کو جائز قرار دینے کی کوشش کی۔

اقوام متحدہ کے قیام کی 78ویں سالگرہ پر سیکرٹری جنرل انتونیو گوتیرش نے اپنے پیغام میں کہا ہے کہ دنیا میں امن، پائیدار ترقی اور سبھی کے انسانی حقوق کے لیے کام کرنا ادارے کی ذمہ داری ہے۔

دنیا میں بعض انتہائی خطرناک جگہوں پر لوگوں کی بہت بڑی تعداد کو امدادی خوراک، ادویات، ہنگامی تعلیم اور پناہ کیسے مہیا جاتی ہے؟ اقوام متحدہ افغانستان، ہیٹی، سوڈان، یوکرین اور مقبوضہ فلسطینی علاقے سمیت دنیا بھر میں یہ کام کرتا ہے۔

فلسطینی پناہ گزینوں کے لیے اقوام متحدہ کے ادارے 'انرا' نے اسرائیلی حکام سے غزہ میں تمام شہریوں کو تحفظ دینے کا ہنگامی مطالبہ کرتے ہوئے کہا ہے کہ علاقے میں اس کی پناہ گاہیں محفوظ نہیں رہیں اور ان حالات کی پہلے کوئی مثال نہیں ملتی۔

عالمی ادارہء موسمیات (ڈبلیو ایم او) نے بتایا ہے کہ موسمیاتی تبدیلی کے نتیجے میں کرہ ارض کا 'آبی چکر' تیزی سے غیرمتوازن ہوتا جا رہا ہے۔

اقوام متحدہ کے امدادی اداروں نے خبردار کیا ہے کہ اسرائیل کی سخت ناکہ بندی کے بعد غزہ کے شہریوں کو خوراک، پانی اور بجلی کی فراہمی بند ہونے کو ہے اور علاقے کی 23 لاکھ آبادی کے لیے کوئی مدد نہیں پہنچ رہی۔

اسرائیل میں فلسطینی مسلح گروہوں کے حملوں اور غزہ میں اسرائیلی بمباری سے جانی نقصان میں متواتر اضافہ ہو رہا ہے۔ اقوام متحدہ کے ادارے غزہ میں بے گھر ہونے والے لوگوں کی بڑی تعداد کو بنیادی انسانی امداد پہنچانے کے لیے کوشاں ہیں۔

اقوام متحدہ مشرق وسطیٰ میں اہم کرداروں سے رابطہ کر کے اور لوگوں کو ہنگامی مدد کی فراہمی کے ذریعے اسرائیل اور فلسطینیوں کے مابین بحران میں کمی لانے کے لیے چوبیس گھنٹے کام کر رہا ہے۔

اقوام متحدہ کی سلامتی کونسل اس ہفتے ہیٹی میں امن و امان کے قیام میں مدد دینے کے لیے کثیرملکی سکیورٹی مشن کی تشکیل پر بات چیت کر رہی ہے۔ غرب الہند کے اس ملک کو جرائم پیشہ مسلح جتھوں کی جانب سے تشدد اور عدم تحفظ کے متواتر بحران کا سامنا ہے۔