انسانی حقوق کے بارے میں اقوام متحدہ کے مقرر کردہ ماہرین نے فلسطینی حکام پر زور دیا ہے کہ وہ قیدیوں پر تشدد اور ان سے بدسلوکی کے خلاف بنیادی قانونی تحفظ کو بہتر بنائیں اور گرفتاریوں کے وقت اس کا بطور خاص خیال رکھا جائے۔
اقوام متحدہ کے مقاصد کی حمایت میں کام کرنے والے ہزاروں افراد، فنکار، بااثر شخصیات اور شہری تیز بارش کے باوجود ہفتے کی رات نیویارک کے معروف سنٹرل پارک میں جمع ہوئے جہاں نائب سیکرٹری جنرل امینہ محمد نے لوگوں کو تبدیلی کے لیے متحرک ہونے کو کہا۔
متحدہ عرب امارات کی بین الاقوامی تعاون کی وزیر مملکت ریم بنت ابراہیم الہاشمی کا کہنا ہے کہ ان کا ملک اس بات پر کامل یقین رکھتا ہے کہ مسلح تنازعات، موسمیاتی تبدیلی، انتہا پسندی، نسل پرستی اور نفرت انگیزی جیسے مسائل سے نمٹنے کے لیے مشترکہ کوششوں کے علاوہ اب کوئی چارہ نہیں ہے۔
سعودی عرب کے وزیر خارجہ نے کہا ہے کہ تمام ممالک اقوام متحدہ کے چارٹر کا احترام کرتے ہوئے طاقت کے استعمال سے گریز اور انسانی حقوق کا احترام کریں۔
روس کے وزیر خارجہ سرگئی لاؤرو نے اقوام متحدہ کی جنرل اسمبلی میں خطاب کرتے ہوئے کہا ہے کہ جدید استعماری اقلیت اور دہائیوں پر محیط مغربی بالادستی کے خاتمے کی خواہاں عالمگیر اکثریت کے مابین کشمکش سے ایک نیا عالمی نظام جنم لے رہا ہے۔
بنگلہ دیش کی وزیراعظم شیخ حسینہ نے عالمی رہنماؤں سے اپیل کی ہے کہ وہ جنگ کا راستہ ترک کر کے پائیدار امن کی راہ پر چلیں اور اپنے لوگوں اور آنے والی نسلوں کی خوشحالی کے لیے متحد ہو کر کام کریں۔
اقوام متحدہ کی جنرل اسمبلی کے موقع پر عالمی رہنماؤں، سول سوسائٹی کے نمائندوں اور دیگر متعلقہ فریقین نے 2030 تک تپ دق (ٹی بی) کا خاتمہ کرنے کی کوششیں آگے بڑھانے کے لیے اعلامیے کی منظوری دے دی ہے۔
اسرائیل کے وزیراعظم بنجمن نیتن یاہو نے کہا ہے کہ آج دنیا کو تاریخی امن، خوشحالی اور اس سے جنم لینے والی امید یا دہشت گردی کی جنگ اور مایوسی کی ہولناک لعنت میں سے ایک انتخاب درپیش ہے۔
پاکستان کے نگران وزیراعظم انوارالحق کاکڑ نے اقوام متحدہ کی سلامتی کونسل میں مجوزہ اصلاحات پر بات کرتے ہوئے کہا ہے کہ مستقل ارکان کی تعداد بڑھانے سے ادارے کی ساکھ اور حیثیت متاثر ہوگی اور تجویز دی کہ اس کی بجائے غیر مستقل ارکان کی تعداد اور مدت میں اضافہ کرنا مناسب رہے گا۔
اقوام متحدہ کے ہائی کمشنر برائے انسانی حقوق وولکر تُرک نے انڈیا کے قانون ساز اداروں میں خواتین کے لیے بڑی تعداد میں نشستیں مخصوص کیے جانے کے بِل کی منظوری کا خیرمقدم کیا ہے۔
