انسانی حقوق کے بارے میں اقوام متحدہ کے مقرر کردہ ماہرین نے روس کی جانب سے اپنی 'مسلح افواج کی بدنامی کا باعث بننے والے عوامی افعال' کے مرتکبین کو حاصل قانونی تحفظ منسوخ کرنے کے فیصلے پر سنگین تشویش کا اظہار کیا ہے۔
بچوں کے حقوق سے متعلق اقوام متحدہ کی کمیٹی نے نئی رہنما ہدایات جاری کی ہیں جن میں حکومتوں سے کہا گیا ہے کہ وہ شدت اختیار کرتے موسمیاتی بحران میں لڑکوں اور لڑکیوں کو تحفظ فراہم کرنے کے اقدامات کریں۔
اقوام متحدہ کی سلامتی کونسل کو بتایا گیا ہے کہ دنیا بھر میں انسداد دہشت گردی کے کامیاب اقدامات کے باوجود جنگ زدہ علاقوں اور ان کے ہمسایہ ممالک میں شدت پسند تنظیم داعش اور اس سے منسلک گروہ تاحال سنگین خطرہ ہیں۔
اقوام متحدہ کے ادارہ برائے اطفال (یونیسف) نے خبردار کیا ہے کہ پاکستان میں گزشتہ سال آنے والے سیلاب کی تباہ کاریوں سے بحالی کی کوششوں کے لیے مناسب مقدار میں مالی وسائل دستیاب نہ ہونے کے باعث لاکھوں بچے انسانی امداد پر انحصار کر رہے ہیں۔
اقوام متحدہ کے سیکرٹری جنرل نے موسمیاتی بحران سے معاشی عدم مساوات اور عالمگیر اثرات کی حامل جنگوں تک انسانیت کو درپیش بڑے مسائل پر قابو پانے کے لیے اتحاد اور انصاف کی فوری ضرورت پر زور دیا ہے۔
عالمی ادارہ محنت (آئی ایل او) کے ماہرین نے اس ہفتے شائع ہونے والی ایک نئی رپورٹ میں کہا ہے کہ چیٹ جی پی ٹی نوکریوں کے لیے خطرہ نہیں ہے، اس کے بجائے یہ انہیں مزید بہتر بھی بنا سکتی ہے۔
پناہ گزینوں سے متعلق اقوام متحدہ کے ادارے 'یو این ایچ سی آر' نے عالمی برادری سے کہا ہے کہ وہ بنگلہ دیش میں تقریباً ایک ملین روہنگیا پناہ گزینوں کے لیے مالی وسائل کی فراہمی کے عہد کی تجدید کرے تاکہ ان کے لیے امدادی اقدامات اور سیاسی مدد کو برقرار رکھا جا سکے۔
افغانستان میں اقوام متحدہ کے امدادی مشن (یونیما) میں انسانی حقوق کی خدمات کے شعبے نے ایک رپورٹ شائع کی ہے جس میں طالبان حکام پر سابق حکومت کے عہدیداروں اور مسلح افواج کے ارکان کے انسانی حقوق کی سنگین پامالیوں کے الزامات عائد کیے گئے ہیں۔
اقوام متحدہ کے سیکرٹری جنرل نے حکومتوں، سماجی گروہوں اور مذہبی رہنماؤں سے نفرت اور تشدد کی ترغیب کے خلاف آواز بلند کرنے کا مطالبہ کرتے ہوئے کہا ہے کہ آن لائن نفرت مذہبی اقلیتوں کے خلاف پُرتشدد جسمانی حملوں کا عمومی محرک ہوتی ہے۔
مشرقی وسطیٰ کے لیے اقوام متحدہ کے نمائندے ٹور وینزلینڈ نے سلامتی کونسل کو بتایا ہے کہ اس برس احتجاج، جھڑپوں، عسکری کارروائیوں، حملوں اور دیگر واقعات میں اب تک 200 سے زیادہ فلسطینی اور تقریباً 30 اسرائیلی ہلاک ہو چکے ہیں۔
