عالمی ادارہ صحت (ڈبلیو ایچ او) کے سربراہ نے وباؤں کی روک تھام کے نئے عالمی معاہدے سے متعلق غلط دعووں اور سازشی نظریات کے متواتر پھیلاؤ پر تشویش کا اظہار کیا ہے۔ اقوام متحدہ کے رکن ممالک فی الوقت اس معاہدے پر بات چیت میں مصروف ہیں۔
صحت کے شعبے میں اختراع سے متعلق اقوام متحدہ کے اقدام 'یونائیٹ ایڈ' نے خبردار کیا ہے کہ تپ دق کی ایک سے دوسرے فرد کو منتقلی کا کھوج لگانے اور اس مرض کی روک تھام کے اقدامات پر عملدرآمد میں ناکامی کی صورت میں 2035 تک قریباً ایک ملین اموات ہو سکتی ہیں۔
اقوام متحدہ کی جنرل اسمبلی کے صدر سابا کوروشی نے کہا ہے کہ تحفظِ زندگی کے امدادی پروگراموں کو سیاسی مفادات حاصل کرنے کے لیے استعمال نہیں کیا جانا چاہیے۔
اقوام متحدہ کے لوگ بدھ کو اکٹھے ہوئے اور 2022 میں ادارے کی جانب سے فرائض کی انجام دہی کے دوران جان دینے والے 77 ارکان کو خراج عقیدت پیش کیا۔
اقوام متحدہ کے سیکرٹری جنرل نے سلامتی کونسل سے خطاب میں انسانی ترقی کی رفتار تیز کرنے میں مصنوعی ذہانت سے فائدہ اٹھانے کے امکانات پر بات کرتے ہوئے انقلابی نوعیت کی اس نئی ٹیکنالوجی کے نقصان دہ استعمال کے بارے میں بھی خبردار کیا ہے۔
اقوام متحدہ کے موسمیاتی ادارے (ڈبلیو ایم او) نے متنبہ کیا ہے کہ شمالی کرے کو لپیٹ میں لینے والی گرمی کی لہر سے جڑے خطرات تاحال برقرار ہیں۔
اقوام متحدہ کے ہائی کمشنر برائے انسانی حقوق اور پناہ گزینوں کے ادارے 'یو این ایچ سی آر' کے سربراہوں نے خبردار کیا ہے کہ برطانیہ کی پارلیمان کا منظور کردہ قانون بین الاقوامی انسانی حقوق اور پناہ گزینوں کے قانون کے تحت ملکی ذمہ داریوں سے مطابقت نہیں رکھتا۔
اقوام متحدہ کے سربراہ انتونیو گوتیرش نے نیلسن مینڈیلا کی یاد میں ہر سال منائے جانے والے عالمی دن پر اپنے پیغام میں کہا ہے کہ رہنما کی حیثیت سے ان کی شخصیت بے پایاں کامیابی اور غیرمعمولی انسانیت سے عبارت تھی۔
صنفی مساوات اور بین الاقوامی ترقی کے لیے کام کرنے والے اقوام متحدہ کے اداروں کی جانب سے شائع کردہ ایک نئی رپورٹ میں بتایا گیا ہے کہ دنیا کے بہت سے حصوں میں خواتین کی کم اختیاری اور بڑے پیمانے پر صنفی فرق عام ہے۔
اقوام متحدہ کے اعلیٰ حکام نے کہا ہے کہ دنیا 2030 تک پائیدار ترقی کے اہداف (ایس ڈی جی) حاصل کرنے کی راہ پر افسوسناک طور سے بے سمت ہے۔
