اقوام متحدہ کے ادارہ برائے اطفال (یونیسف) نے بتایا ہے کہ دنیا بھر میں کم عمری کی شادیوں میں متواتر کمی آ رہی ہے تاہم جنگ، موسمیاتی حادثات اور کووڈ وبا سمیت بہت سے بحران اس لعنت کے خلاف حاصل ہونے والی کمزور کامیابیوں کے لئے خطرہ ہیں۔
اقوام متحدہ میں پناہ گزینوں کے امور سے متعلق ادارے (یو این ایچ سی آر) نے بتایا ہے کہ 100,000 سے زیادہ لوگ تحفظ کی تلاش میں سوڈان سے ہمسایہ ممالک کو جا چکے ہیں۔
اقوام متحدہ کی جاری کردہ ایک رپورٹ کے مطابق کووڈ۔19 وبا کے آغاز سے تین سال بعد بیشتر ممالک کے نظام ہائے صحت میں بحالی کی ابتدائی بڑی علامات سامنے آنا شروع ہو گئی ہیں۔ اس وبا سے کروڑوں لوگ متاثر ہوئے اور دنیا بھر میں لاکھوں ہلاکتیں ہوئیں۔
اقوام متحدہ کے سیکرٹری جنرل انتونیو گوتیرش نے خبریں دینے والوں کے ساتھ بھرپور یکجہتی کے مظاہرے پر زور دیتے ہوئے کہا ہے کہ صحافیوں کے خلاف غلط اطلاعات کا پھیلاؤ، نفرت پر مبنی اظہار اور جان لیوا حملے دنیا بھر میں آزادی صحافت کے لئے خطرہ ہیں۔
اقوام متحدہ کے سیکرٹری جنرل نے کہا ہے کہ افغانستان کے موجودہ حالات کی طرح جب خواتین اور لڑکیوں کے حقوق پر حملہ ہو گا تو ادارہ کبھی خاموش نہیں رہے گا اور خواتین کے امدادی کام کرنے پر طالبان کی پابندی سے وہاں لاکھوں زندگیوں کو خطرہ لاحق ہو گیا ہے۔
دنیا بھر کے 2,000 سے زیادہ مندوبین جینیوا میں اقوام متحدہ کے دفتر میں جمع ہوئے جنہوں ںے صحت اور ماحول پر سنگین اثرات مرتب کرنے والی کیمیائی آلودگی پر بہتر طور سے قابو پانے کے طریقوں پر تبادلہء خیال کیا۔
اقوام متحدہ کے زیراہتمام قیام امن کی کارروائیوں کو 75 سال مکمل ہونے پر ایک نئی تصویری نمائش سوموار کو ادارے کے ہیڈکوارٹر میں شروع ہوئی جس میں قیام امن کے لئے کام کرنے والے فوجی و غیرفوجی اہلکاروں کی قربانیوں کو خراج تحسین پیش کیا گیا ہے۔
اقوام متحدہ کے سیکرٹری جنرل انتونیو گوتیرش سوموار کو قطر کے دارالحکومت دوحہ میں افغانستان کے بارے میں دو روزہ اجلاس کی میزبانی کریں گے۔ اجلاس میں متعدد ممالک میں خدمات انجام دینے والے اقوام متحدہ کے خصوصی نمائندے بھی شرکت کر رہے ہیں۔
ڈبلیو ایف پی کی ایگزیکٹو ڈائریکٹر سنڈی مکین نے بتایا ہے کہ ادارے نے سوڈان میں اپنی کارروائیوں کی عارضی معطلی ختم کر دی ہے جبکہ متحارب عسکری دھڑوں کے درمیان جاری لڑائی کے باعث لاکھوں لوگ بھوک کا شکار ہیں۔
ناقدین کہتے ہیں کہ اقوام متحدہ کے اہلکاروں کے ہاتھوں جنسی استحصال اور بدسلوکی پر انصاف تاخیر سے ملتا ہے اور ذمہ داروں کا ہمیشہ احتساب نہیں ہوتا۔ ایسے متاثرین کے حقوق کی وکیل جین کونرز ادارے کے 35 سے زیادہ شعبوں میں متاثرین پر مرتکز حکمت عملی لاگو کر رہی ہیں۔
