جوہری سرگرمیوں کی نگرانی کرنے والے اقوام متحدہ کے ادارے کے سربراہ نے بتایا ہے کہ یوکرین میں شدید نوعیت کے دھماکوں نے زیپوریزیا نیوکلیئر پاور پلانٹ (زیڈ این پی پی) کے علاقے کو ہلا کر رکھ دیا ہے جس سے وہاں نسبتاً پُرسکون حالات اچانک خراب ہو گئے ہیں۔
مصر کے شہر شرم الشیخ میں طویل اور بھرپور مذاکرات کے بعد اتوار کی صبح موسمیاتی تبدیلی پر کانفرنس جسے کاپ 27 کہا گیا موسمیاتی تبدیلی سے متاثر ہونے والے ممالک کے ’نقصان اور تباہی‘ کے ازالے کے لیے فنڈ کے قیام کے معاہدے پر اختتام پذیر ہوئی۔
میانمار کے لیے اقوام متحدہ کے سیکرٹری جنرل کی خصوصی نمائندہ نوئلین ہائزر نے میانمار میں قیدیوں کی اجتماعی رہائی کے اعلان کو حوصلہ افزا قرار دیتے ہوئے صدر وِن مینٹ اور سٹیٹ کونسلر آنگ سان سو کی سمیت ان تمام قیدیوں کی فوری رہائی کے لیے سیکرٹری جنرل کے مطالبے کااعادہ کیا ہے جو بدستور ناجائز حراست میں ہیں۔
اقوام متحدہ کے سیکرٹری جنرل انتونیو گوتیرش نے مشرق وسطیٰ کو جوہری اسلحے اور وسیع پیمانے پر تباہی پھیلانے والے دیگر ہتھیاروں سے پاک خِطہ بنانے سے متعلق کانفرنس کے تیسرے اجلاس کے کامیاب اختتام کا خیرمقدم کیا ہے۔
امدادی کارروائیوں کے ادارے او سی ایچ اے کے مطابق پاکستان میں تباہ کن سیلاب آنے کے تین ماہ بعد بھی تباہی ختم نہیں ہوئی۔ سیلاب سے ساڑھے تین کروڑ لوگ متاثر ہوئے ہیں اور اس نے معیشت، زراعت، صحت اور تعلیم کے شعبے میں تباہی مچائی ہے۔
اقوام متحدہ کی ایک اعلیٰ عہدیدار نے بتایا ہے کہ یورپ کی بندرگاہوں میں پھنسی روس کی لاکھوں ٹن کھاد کی ممکنہ تقسیم کے معاملے میں ''کامیابی'' حاصل ہوئی ہے۔ آئندہ سال غذائی عدم تحفظ کے عالمگیر بحران سے بچنے کے لیے اس کھاد کی ترسیل ضروری ہے۔
کاپ 27 کے صدر نے اعلان کیا ہے کہ موسمیاتی تبدیلی پر اقوام متحدہ کی یہ کانفرنس توقع سے کم از کم ایک دن کے بعد مکمل ہو گی۔ مصر کے شہر شرم الشیخ میں جاری اس کانفرنس کے صدر سامح شکری نے مذاکرات کاروں سے کہا ہے کہ وہ تھوڑی لچک دکھائیں تاکہ اختلافی نکات پر معاہدہ طے پا سکے۔
اتوار کو بچوں کے عالمی دن سے قبل اقوام متحدہ کے چلڈرن فنڈ (یونیسف) کی جانب سے جاری کردہ ایک نئی رپورٹ میں بتایا گیا ہے کہ دنیا بھر میں بچوں کے خلاف ان کی نسل، زبان اور مذہب کی بنیاد پر امتیازی سلوک بڑھتا جا رہا ہے۔
مشرق وسطیٰ میں امن عمل کے لیے اقوام متحدہ کے خصوصی رابطہ کار نے کہا ہے کہ انہیں غزہ کی پٹی میں جبالیہ کیمپ میں ایک رہائشی عمارت میں آگ بھڑکنے سے 20 سے زیادہ افراد کی ہلاکت اور بڑی تعداد میں لوگوں کے زخمی ہونے کی اطلاع سے شدید دکھ اور تکلیف پہنچی ہے۔
19 نومبر کے ورلڈ ٹوائلٹ ڈے سے پہلے اقوام متحدہ کا چلڈرن فنڈ (یونیسف) ایک نیا تدبیراتی منصوبہ شروع کر رہا ہے جس کا مقصد حکومتوں کو اپنے لوگوں کے لیے نکاسی آب کے محفوظ انتظام میں مدد دینا اور پائیدار ترقی کے اہداف (ایس ڈی جی) میں نکاسی آب کے حوالے سے دیے گئے ہدف کو حاصل کرنا ہے۔
