اقوام متحدہ کے سیکرٹری جنرل انتونیو گوتیرش انڈیا میں ہیں اور انہوں نے بدھ کو اپنے دورے کا آغاز 2008 میں ممبئی کے تاج محل پیلس ہوٹل میں دہشت گرد حملوں کے متاثرین کو خراج عقیدت پیش کرنے کی تقریب میں شرکت سے کیا۔
سوموار کو غربت کے خاتمے کے عالمی دن پر اقوام متحدہ کی جانب سے جاری کردہ ایک اہم ترین جائزے میں کہا گیا ہے کہ غربت میں نمایاں کمی لانا ممکن ہے اور اس مسئلے کو جانچنے کے نئے طریقے امدادی اداروں اور حکومتوں کو ان جگہوں پر امداد پہنچانے میں مدد دے سکتے ہیں جہاں اس کی زیادہ اور فوری ضرورت ہو۔
آفات کے خطرے میں تخفیف سے متعلق اقوام متحدہ کے دفتر (یو این ڈی آر آر) اور عالمی موسمیاتی ادارے (ڈبلیو ایم او) کی جمعرات کو شائع ہونے والی ایک نئی رپورٹ میں خبردار کیا گیا ہے کہ دنیا کے نصف ممالک کو کئی طرح کے قدرتی خطرات کے بارے میں بروقت انتباہ کرنے والے نظام کے ذریعے تحفظ حاصل نہیں ہے۔
اقوام متحدہ کی جنرل اسمبلی نے بدھ کو بھاری اکثریت سے ایک قرارداد کی منظوری دی جس میں رکن ممالک سے کہا گیا ہے کہ وہ یوکرین کے چار علاقوں پر روس کا دعویٰ تسلیم نہ کریں جنہیں اس نے گزشتہ ماہ کے آخر میں نام نہاد ریفرنڈم کے بعد اپنا حصہ قرار دیا تھا۔
اقوام متحدہ کے سیکرٹری جنرل انتونیو گوتیرش نے کہا ہے کہ اقوام متحدہ اور افریقن یونین (اے یو) کے مابین تعاون پہلے سے زیادہ مضبوط ہے تاہم اس حوالے سے کئی بڑے مسائل اب بھی حل طلب ہیں۔
اقوام متحدہ کے موسمیاتی ادارے نے منگل کو دنیا بھر کی حکومتوں سے ہنگامی اپیل کی ہے کہ وہ شمسی، ہوائی اور پن بجلی جیسی توانائی کی ماحول دوست اقسام کی جانب منتقل ہوں۔
اقوام متحدہ کی جنرل اسمبلی کے صدر سابا کوروشی نے کہا ہے کہ روس اور یوکرین کے مابین جنگ کو سفارتی کوششوں سے ختم کرنے کا دروازہ کھلا رہنا چاہیے اور جوہری ہتھیاروں کے استعمال کی کسی بھی دھمکی کی ''عالمی سطح پر مذمت'' کی جانی چاہیے۔
عدم تشدد کا عالمی دن 2 اکتوبر کو مہاتما گاندھی کے یوم پیدائش پر منایا جاتا ہے جو انڈیا کی تحریک آزادی کے رہنماء اور عدم تشدد کے فلسفے اور حکمت عملی کے بانی تھے۔
یوکرین پر روس کا حملہ شروع ہونے کے بعد یوکرین سے اناج اور روس سے خوراک اور کھادوں کی برآمدات نمایاں طور سے متاثر ہوئی ہیں۔ ان اشیاء کی ترسیلات میں خلل آنے سے بڑھتی ہوئی قیمتوں میں مزید اضافہ ہو گیا ہے جس سے خوراک کے عالمگیر بحران نے جنم لیا ہے۔ یوکرین سے کھادوں اور خوراک کی ضروری برآمدات کی دنیا بھر میں دوبارہ ترسیل شروع کرنے کے لیے اقوام متحدہ اور ترکی کی ثالثی کے ذریعے بحیرۂ اسود کے راستے اناج کی ترسیل کا اقدام شروع کیا گیا ہے۔ اس حوالے سے چند اہم نقاط کی وضاحت اس ویڈیو میں۔
سبکدوش ہونے والی ہائی کمشنر برائے انسانی حقوق مشیل بیچلے نے اپنے عہدے کی مدت کے اختتام پر یو این نیوز کو ایک انٹرویو میں بتایا کہ انہوں نے ہمیشہ کھل کر بات کی ہے اور آزادانہ طور سے اپنا کام کیا ہے جبکہ وہ یہ اعتراف بھی کرتی ہیں کہ حکومتوں کو بنیادی آزادیوں کو محدود کرنے سے روکنے کا کام ''ایک انتھک اور مسلسل جدوجہد'' ہے۔
