یمن کے لیے اقوام متحدہ کے خصوصی نمائندے ہینز گرنڈبرگ نے کہا ہے کہ مشرق وسطیٰ میں بڑھتی ہوئی کشیدگی یمن کو بھی لپیٹ میں لے سکتی ہے جہاں تمام تر مشکلات کے باوجود امن کا قیام اب بھی ممکن ہے۔
قیام امن کی کارروائیوں کے لیے اقوام متحدہ کے انڈر سیکرٹری جنرل جین پیئر لاکوا نے کہا ہے کہ اسرائیل کی جانب سے بلیو لائن کو چھوڑ دینے کے مطالبے کے باوجود لبنان میں اقوام متحدہ کی عبوری فورس (یونیفیل) اپنی جگہ پر موجود رہے گی۔
اقوام متحدہ کے سیکرٹری جنرل انتونیو گوتیرش نے لبنان میں ادارے کی عبوری فورس (یونیفیل) پر حملے روکنے کا مطالبہ کرتے ہوئے کہا ہے کہ امن کاروں کو نشانہ بنانا بین الاقوامی قوانین کی خلاف ورزی ہے اور ایسی کارروائیاں جنگی جرائم کے مترادف ہو سکتی ہیں۔
اسرائیل کی فوج نے لبنان میں اقوام متحدہ کی عبوری فورس (یونیفیل) کے اڈے کو ایک مرتبہ پھر نشانہ بنایا ہے۔ حملہ آور ٹینکوں کی گولہ باری سے 15 اہلکار متاثر ہوئے ہیں جبکہ یونیفیل نے اسے بین الاقوامی قانون کی پامالی قرار دیا ہے۔
اقوام متحدہ کی کونسل برائے انسانی حقوق نے روس میں اپنی غیرجانبدار ماہر ماریانا کازارووا کی ذمہ داریوں میں مزید ایک سال کی توسیع کرتے ہوئے ملکی حکام پر زور دیا ہے کہ وہ اقوام متحدہ کے نمائندوں سے مکمل اور بلاامتیاز تعاون کو یقینی بنائیں۔
مشرق وسطیٰ کی صورتحال پر غور کے لیے منعقدہ سلامتی کونسل کے اجلاس میں کہا گیا ہے کہ فلسطینی پناہ گزینوں کے لیے اقوام متحدہ کے ادارے (انرا) کے خلاف اسرائیلی پارلیمنٹ میں پیش کردہ قوانین امدادی کارروائیوں کے لیے خطرناک ثابت ہوں گے۔
اقوام متحدہ کے سیکرٹری جنرل انتونیو گوتیرش نے برطانیہ سے تعلق رکھنے والے ٹام فلیچر کو ہنگامی امدادی امور کے لیے ادارے کے رابطہ دفتر (اوچا) کا انڈر سیکرٹری جنرل مقرر کر دیا ہے۔
لبنان میں قیام امن کے لیے اقوام متحدہ کا مشن (یونیفیل) 'بلیو لائن' پر کام کر رہا ہے جو 1970 کے بعد لبنان اور اسرائیل کی عارضی سرحد بھی ہے۔ اقوام متحدہ کی سلامتی کونسل نے حال ہی میں اس مشن کی ذمہ داریوں میں ایک اور سال کے لیے توسیع کی ہے۔
7 اکتوبر 2023 کے حملوں کی پہلی برسی کے موقع پر اقوام متحدہ کے حکام نے اسرائیل اور فلسطینیوں کے مابین امن کی ضرورت پر زور دیتے ہوئے کہا ہے کہ تشدد مزید تشدد کو جنم دیتا ہے اور دکھ کی اس گھڑی میں سبھی کو کشیدگی کے خاتمے کا عہد کرنا ہو گا۔
اقوام متحدہ کے سیکرٹری جنرل انتونیو گوتیرش نے کہا ہے کہ غزہ میں جنگ بندی، یرغمالیوں کی رہائی اور خطے بھر کے لوگوں کی تکالیف کو دور کرنے کے لیے کوششیں جاری رکھی جائیں گی۔
