فلسطین کے صدر محمود عباس نے کہا ہے کہ اسرائیل غزہ میں بڑے پیمانے پر نسل کشی کا ارتکاب کر رہا ہے۔ عالمی برادری اس کے خلاف پابندیاں عائد کرے اور اس سے اقوام متحدہ کی رکنیت واپس لی جائے۔
فرانس کے صدر ایمانویل میکرون نے دنیا میں پائی جانے والی تقسیم پر افسوس کا اظہار کرتے ہوئے کہا ہے کہ اعتماد کی بحالی اور بحرانوں پر قابو پانے کے لیے موثر کثیرفریقی طریقہ کار کی اب پہلے سے کہیں زیادہ ضرورت ہے۔
اقوام متحدہ کے سیکرٹری جنرل انتونیو گوتیرش نے کہا ہےکہ دنیا میں امن خود بخود نہیں آتا۔ سلامتی کونسل کی ذمہ داری ہے کہ وہ تنازعات کے دوران جامد حالات میں موثر قیادت کا مظاہرہ کرے اور ممالک کو متحد کرنے کے بہتر طریقے ڈھونڈے۔
یوکرین کے صدر وولودیمیر زیلنسکی نے کہا ہے کہ روس ان کے ملک کی جوہری تنصیبات پر حملے کی منصوبہ بندی کر رہا ہے۔ اگر جوہری بجلی گھروں پر حملے ہوئے یا ان میں حادثات پیش آئے تو اس سے بہت بڑی تباہی جنم لے گی۔
ایران کے صدر مسعود پزشکیان نے کہا ہے کہ گزشتہ ایک برس میں دنیا نے اسرائیلی حکومت کا اصل چہرہ دیکھا جس نےگیارہ ماہ میں خواتین اور بچوں سمیت 41 ہزار بے گناہ فلسطینیوں کو ہلاک کیا ہے۔
ترکیہ کے صدر طیب اردوان نے سلامتی کونسل میں اصلاحات کا مطالبہ کرتے ہوئے کہا ہے کہ اقوام متحدہ اپنے مقصد کی تکمیل میں ناکام ہو گیا ہے اور بتدریج ایک غیرفعال ادارہ بنتا جا رہا ہے۔
امریکہ کے صدر جو بائیڈن نے کہا ہے کہ انسانی جذبے کی مضبوطی اور مفاہمت کی طاقت جنگوں کو ختم کر سکتی ہیں اور دور حاضر میں جاری بدترین تنازعات سے بھی بہتری کی راہ نکالی جا سکتی ہے۔
اقوام متحدہ کی جنرل اسمبلی کے صدر فائلیمن یانگ نے دنیا بھر کے ممالک پر زور دیا ہے کہ وہ اسلحے کے ڈھیر جمع کرنے کے بجائے اپنے لوگوں کے لیے امن اور ان کی بہبود کی خاطر مشترکہ اقدامات پر توجہ دیں۔
اقوام متحدہ کے سیکرٹری جنرل انتونیو گوتیرش نے کہا ہے کہ دنیا کو درپیش بڑے مسائل پر قابو پانے کی خاطر عدم احتساب، بڑھتی ہوئی عدم مساوات اور غیریقینی حالات سے نمٹنا اور اس مقصد کی خاطر بین الاقوامی تعاون کو مضبوط بنانا ہو گا۔
اقوام متحدہ کی جنرل اسمبلی کے صدر فائلیمن یانگ نے تمام ممالک پر زور دیا ہے کہ وہ مستقبل کی کانفرنس میں کیے گئے فیصلوں اور وعدوں کو عملی جامہ پہنانے کے لیے فیصلہ اقدامات کی جانب پیش رفت کو برقرار رکھیں۔
